ਕਾਂਗਰਸ ਉਮੀਦਵਾਰ ਗੋਲਡੀ ਦੇ ਹੱਕ ਵਿਚ ਅੱਗਰਵਾਲ ਪਰਿਵਾਰ ਨੇ ਸੰਭਾਲੀ ਕਮਾਂਡ
ਤਪਾ ਮੰਡੀ 15 ਜੂਨ (ਸੁਭਾਸ਼ ਸਿੰਗਲਾ/ਰੋਹਿਤ ਸਿੰਗਲਾ) : ਲੋਕ ਸਭਾ ਹਲਕਾ ਸੰਗਰੂਰ ਤੋ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਦਲਵੀਰ ਸਿੰਘ ਗੋਲਡੀ ਸਾਬਕਾ ਵਿਧਾਇਕ ਦੇ ਹੱਕ ਵਿਚ ਚੋਣ ਪ੍ਰਚਾਰ ਦੀ ਵਾਂਗਡੋਰ ਤਪਾ ਅੰਦਰ ਪੋਲਟਰੀ ਫਾਰਮਜ ਐਸੋਸੀਏਸ਼ਨ ਦੇ ਉੱਘੇ ਵਪਾਰੀ ਅਤੇ ਕਈ ਸਮਾਜ ਸੇਵੀ ਸੰਸਥਾਵਾਂ ਦੇ ਨੁੰਮਾਇਦੇ ਰਘਵੀਰ ਚੰਦ ਅੱਗਰਵਾਲ ਅਤੇ ਉਨਾਂ ਦੇ ਪੁੱਤਰ ਟਿੱਕੂ ਅੱਗਰਵਾਲ ਨੇ ਮੋਹਰੀ ਹੋ ਕੇ ਸੰਭਾਲੀ ਹੋਈ ਹੈ। ਜਿਨਾਂ ਨੇ ਦਲਵੀਰ ਸਿੰਘ ਗੋਲਡੀ ਦੇ ਹੱਕ ਵਿਚ ਜਿੱਥੇ ਘਰ-2 ਤੱਕ ਉਨਾਂ ਦੇ ਧੂਰੀ ਵਿਖੇ ਬਤੌਰ ਵਿਧਾਇਕ ਹੋਣ ਦੇ ਨਾਤੇ ਕੀਤੇ ਵਿਕਾਸ ਕੰਮਾਂ ਨੂੰ ਪਹੁੰਚਾਉਣ ਦਾ ਬੀੜਾ ਚੁੱਕਿਆ ਹੋਇਆ ਹੈ, ਉਥੇ ਸ਼ਹਿਰ ਦੀਆ ਵੱਖ ਵੱਖ ਵਪਾਰਿਕ ਸੰਸਥਾਵਾਂ ਦੇ ਨੁੰਮਾਇਦਿਆਂ ਨੂੰ ਵੀ ਇਸ ਵਾਰ ਕਾਂਗਰਸ ਉਮੀਦਵਾਰ ਗੋਲਡੀ ਦੇ ਹੱਕ ਵਿਚ ਪ੍ਰਚਾਰ ਕਰਨ ਲਈ ਪ੍ਰੇਰਿਤ ਕੀਤਾ ਹੈ। ਸਮਾਜ ਸੇਵੀ ਰਘਵੀਰ ਚੰਦ ਅੱਗਰਵਾਲ ਨੇ ਦੱਸਿਆਂ ਕਿ ਧੂਰੀ ਵਿਖੇ ਰਿਸ਼ਤੇਦਾਰੀਆਂ ਅਤੇ ਵਪਾਰਿਕ ਸਾਂਝ ਹੋਣ ’ਤੇ ਵੇਖਿਆ ਗਿਆ ਹੈ ਕਿ ਸਾਬਕਾ ਵਿਧਾਇਕ ਦਲਵੀਰ ਸਿੰਘ ਗੋਲਡੀ ਨੇ ਆਪਣੇ ਹਲਕੇ ਦੇ ਲੋਕਾਂ ਦੇ ਦੁੱਖ ਸੁੱਖ ਵਿਚ ਕਿਸ ਤਰਾਂ ਖੜਦੇ ਹਨ, ਭਾਵੇਂ ਉਨਾਂ ਦਾ ਪਿਛੋਕੜ ਕੋਈ ਰਾਜਸੀ ਨਹੀ ਹੈ, ਪਰ ਸਾਬਕਾ ਵਿਧਾਇਕ ਗੋਲਡੀ ਸਣੇ ਉੱਨਾਂ ਦੀ ਪਤਨੀ ਸ੍ਰੀਮਤੀ ਸਿਮਰਤ ਕੌਰ ਖੰਗੂੜਾ ਅਤੇ ਸਮੁੱਚਾ ਪਰਿਵਾਰ ਹਲਕੇ ਦੇ ਲੋਕਾਂ ਨਾਲ ਆਪਣੇ ਪਰਿਵਾਰ ਵਾਂਗ ਵਿਚਰਦੇ ਹਨ ਜਦਕਿ ਗੋਲਡੀ ਨੇ ਆਪਣੇ ਹਲਕੇ ਦੇ ਵਿਕਾਸ ਅਤੇ ਤਰੱਕੀ ਸਣੇ ਟੋਲ ਪਲਾਜੇ ਤੋ ਲੋਕਾਂ ਦੇ ਬਚਾਅ ਲਈ ਸਰਕਾਰ ਨਾਲ ਆਹਢਾ ਲਾਇਆ। ਉਨਾਂ ਕਿਹਾ ਕਿ ਇਸ ਵਾਰ ਲੋਕ ਪਾਰਟੀਬਾਜੀ ਤੋ ਉੱਪਰ ਉੱਠ ਕੇ ਸਾਬਕਾ ਵਿਧਾਇਕ ਗੋਲਡੀ ਦੇ ਹੱਕ ਵਿਚ ਵੋਟ ਭੁਗਤਾਉਣਗੇ ਤਾਂ ਜੋ ਦੇਸ਼ ਦੀ ਸਭ ਤੋ ਵੱਡੀ ਪੰਚਾਇਤ ਅੰਦਰ ਲੋਕ ਸਭਾ ਹਲਕਾ ਸੰਗਰੂੁਰ ਦੇ ਲੋਕਾਂ ਦੀ ਆਵਾਜ ਗੂੰਜੇ। ਇਸ ਮੌਕੇ ਅਨੀਸ਼ ਕੁਮਾਰ ਮੌੜ ਪ੍ਰਧਾਨ ਕੱਚਾ ਆੜਤੀਆ ਐਸੋਸੀਏਸ਼ਨ, ਰਾਜ ਕੁਮਾਰ ਮੌੜ, ਨੀਨਾ ਮੌੜ ਸਣੇ ਵੱਡੀ ਗਿਣਤੀ ਵਿਚ ਲੋਕ ਹਾਜਰ ਸਨ।