ਖੁਸ਼ੀ ਦੀ ਲਹਿਰ : ਆਪ ਪਾਰਟੀ ਦੇ ਸ੍ਰੀਮਤੀ ਬਲਜਿੰਦਰ ਕੌਰ ਤੁੰਗਵਾਲੀ ਸੂਬਾ ਇਸਤਰੀ ਵਿੰਗ ਦੇ ਪ੍ਰਧਾਨ ਬਣੇ
ਬਠਿੰਡਾ 11 ਜੁਲਾਈ (ਲੁਭਾਸ਼ ਸਿੰਗਲਾ/ਜਸਪਾਲ ਸਿੱਧੂ) : ਆਮ ਆਦਮੀ ਪਾਰਟੀ ਨੇ ਆਪਣੇ ਜੱਥੇਬੰਦਕ ਢਾਂਚੇ ਦੇ ਕੀਤੇ ਵਿਸਥਾਰ ਦੇ ਤਹਿਤ ਹਲਕਾ ਭੁੱਚੋ ਅੰਦਰ ਉਸ ਵੇਲੇ ਖੁਸ਼ੀ ਦੀ ਲਹਿਰ ਦੌੜ ਗਈ ਜਦ ਪਾਰਟੀ ਦੀ ਸਿਰਕੱਢ ਆਗੂ ਸ੍ਰੀਮਤੀ ਬਲਜਿੰਦਰ ਕੌਰ ਤੁੰਗਵਾਲੀ ਨੂੰ ਸੂਬਾ ਇਸਤਰੀ ਵਿੰਗ ਦੀ ਪ੍ਰਧਾਨ ਦਾ ਐਲਾਣ ਕੀਤਾ। ਪਾਰਟੀ ਵੱਲੋ ਜਾਰੀ ਕੀਤੀ ਸੂਚੀ ਜਿਉ ਹੀ ਜਨਤਕ ਹੋਈ ਤਿਉ ਹੀ ਸ੍ਰੀਮਤੀ ਬਲਜਿੰਦਰ ਕੌਰ ਨੂੰ ਮੁਬਾਰਕਬਾਦ ਦੇਣ ਵਾਲਿਆਂ ਦਾ ਤਾਂਤਾ ਲੱਗ ਗਿਆ ਅਤੇ ਆਮ ਆਦਮੀ ਪਾਰਟੀ ਦੇ ਆਗੂਆਂ-ਵਰਕਰਾਂ ਵੱਲੋ ਸ੍ਰੀਮਤੀ ਤੁੰਗਵਾਲੀ ਨੂੰ ਸੂਬਾ ਪ੍ਰਧਾਨ ਬਣਾਏ ਜਾਣ ’ਤੇ ਖੁਸ਼ੀ ਮਨਾਉਦਿਆਂ ਪਟਾਕੇ ਚਲਾਏ ਅਤੇ ਲੱਡੂ ਵੰਡੇ ਗਏ। ਨਵ ਨਿਯੁਕਤ ਸੂਬਾ ਇਸਤਰੀ ਵਿੰਗ ਦੀ ਪ੍ਰਧਾਨ ਸ੍ਰੀਮਤੀ ਬਲਜਿੰਦਰ ਕੌਰ ਤੁੰਗਵਾਲੀ ਨੇ ਨਿਯੁਕਤੀ ’ਤੇ ਆਮ ਆਦਮੀ ਪਾਰਟੀ ਦੀ ਸੂਬਾ ਕਨਵੀਨਰ ਅਰਵਿੰਦ ਕੇਜਰੀਵਾਲ, ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਹਲਕਾ ਵਿਧਾਇਕ ਜਗਸੀਰ ਸਿੰਘ ਭੁੱਚੋ ਸਣੇ ਪਾਰਟੀ ਹਾਈਕਮਾਂਡ ਦਾ ਧੰਨਵਾਦ ਕਰਦਿਆਂ ਭਰੋਸਾ ਦਿਵਾਇਆ ਕਿ ਪਾਰਟੀ ਵੱਲੋ ਦਿੱਤੀ ਜੁੰਮੇਵਾਰੀ ਨੂੰ ਤਨਦੇਹੀ ਅਤੇ ਈਮਾਨਦਾਰੀ ਨਾਲ ਸਿਆਸੀ ਅਤੇ ਸਮਾਜਿਕ ਤੌਰ ’ਤੇ ਤਕੜਾ ਕਰਨ ਲਈ ਬਣਦੇ ਯਤਨ ਕੀਤੇ ਜਾਣਗੇ। ਉਨਾਂ ਅੱਗੇ ਬੋਲਦਿਆਂ ਕਿਹਾ ਕਿ ਪਾਰਟੀ ਪ੍ਰਤੀ ਅੋਰਤਾਂ ਨੂੰ ਹੋਰ ਜਾਗਰੁਕ ਕਰਕੇ ਨਾਲ ਜੋੜਿਆ ਜਾਵੇਗਾ। ਉਧਰ ਪਾਰਟੀ ਦੇ ਸੀਨੀਅਰ ਆਗੂ ਜਸਪਾਲ ਸਿੰਘ ਸਿੱਧੂ ਨੇ ਪਾਰਟੀ ਹਾਈਕਮਾਂਡ ਦਾ ਧੰਨਵਾਦ ਕੀਤਾ, ਜਿਨਾਂ ਨੇ ਪਾਰਟੀ ਦੇ ਅਣਥੱਕ ਅਤੇ ਈਮਾਨਦਾਰ ਆਗੂ ਸ੍ਰੀਮਤੀ ਬਲਜਿੰਦਰ ਕੌਰ ਤੁੰਗਵਾਲੀ ਨੂੰ ਸੂਬਾ ਇਸਤਰੀ ਵਿੰਗ ਦੀ ਪ੍ਰਧਾਨ ਬਣਾਇਆ। ਉਨਾਂ ਅੱਗੇ ਦੱਸਿਆਂ ਕਿ
ਸ੍ਰੀਮਤੀ ਤੁੰਗਵਾਲੀ ਨੇ ਜਿੱਥੇ ਪਿਛਲੇ ਕਾਰਜਕਾਲ ਦੌਰਾਨ ਕਾਂਗਰਸ ਦੇ ਰਾਜ ਵਿਚ ਆਪ ਪਾਰਟੀ ਵੱਲੋ ਪੰਚਾਇਤ ਸੰਮਤੀ ਮੈਂਬਰ ਵਜੋ ਜਿੱਤ ਦਰਜ ਕਰਕੇ ਨਵਾਂ ਕੀਰਤੀਮਾਨ ਸਥਾਪਿਤ ਕੀਤਾ, ਜਦਕਿ ਇਨਾਂ ਨੇ 2019 ਵਿਚ ਬਤੌਰ ਜਿਲਾ ਪ੍ਰਧਾਨ ਅਤੇ 2021 ਵਿਚ ਆਮ ਆਦਮੀ ਪਾਰਟੀ ਦੇ ਸੂਬਾ ਮੀਤ ਪ੍ਰਧਾਨ ਵਜੋ ਵੀ ਸੇਵਾਵਾਂ ਨਿਭਾ ਚੁੱਕੇ ਹਨ ਅਤੇ ਹਰ ਸਮੇਂ ਪਾਰਟੀ ਦੀ ਚੜਦੀ ਕਲਾ ਲਈ ਕੰਮ ਕੀਤਾ। ਦੱਸਣਯੋਗ ਹੈ ਕਿ ਹਲਕਾ ਭੁੱਚੋ ਸਣੇ ਜਿਲਾ ਬਠਿੰਡਾ ਜਿਲੇਂ ਅੰਦਰਲੀਆ ਸਮੁੱਚੀਆ ਵਿਧਾਨ ਸਭਾ ਸੀਟਾਂ ਦੀ ਜਿੱਤ ਲਈ ਇਨਾਂ ਨੇ ਕਾਫੀ ਮਿਹਨਤ ਕੀਤੀ ਸੀ। ਇਸ ਮੌਕੇ ਸੀਨੀਅਰ ਆਪ ਆਗੂ ਜਸਪਾਲ ਸਿੰਘ ਸਿੱਧੂ, ਪੱਪਣੀ ਸ਼ਰਮਾ ਸੀਨੀਅਰ ਆਪ ਆਗੂ, ਗੁਰਸੇਵਕ ਸਿੰਘ ਸੇਕੀ, ਸਰਬਜੀਤ ਸਿੰਘ ਮਾਹਲ ਮੈਂਬਰ ਟਰੱਕ ਯੂਨੀਅਨ, ਹਰਦਮ ਸਿੰਘ ਮੈਂਬਰ ਟਰੱਕ ਯੂਨੀਅਨ, ਵਰਿੰਦਰਪਾਲ ਸਿੰਘ ਵਿੰਪਾ, ਕਰਮ ਸਿੰਘ ਕਰਮਾ, ਹਰਵਿੰਦਰ ਸਿੰਘ ਹਿੰਦੋ, ਅਨਿਲ ਕੁਮਾਰ, ਮੀਰਾ ਰਾਣੀ, ਕਮਲਜੀਤ ਕੌਰ ਹਲਕਾ ਕੌ-ਆਰਡੀਨੇਟਰ, ਰਾਜਵਿੰਦਰ ਸਿੰਘ ਰਾਜੂ, ਹਰਦੀਪ ਸਿੰਘ ਮਾਹਲ, ਗੋਰਾ ਸਿੰਘ ਮਾਹਲ, ਰਿੰਕੂ ਸ਼ਰਮਾ, ਗੱਗੂ ਸਮਾਘ ਆਦਿ ਆਪ ਆਗੂਆਂ ਨੇ ਪਾਰਟੀ ਹਾਈਕਮਾਂਡ ਦਾ ਧੰਵਾਦ ਅਤੇ ਸ੍ਰੀਮਤੀ ਤੁੰਗਵਾਲੀ ਨੂੰ ਮੁਬਾਰਕਬਾਦ ਦਿੱਤੀ।