ਐਡਵੋਕੈਟ ਗਗਨਦੀਪ ਗਰਗ ਦੀਆ ਦਲੀਲਾਂ ਨਾਲ ਸਹਿਮਤ ਹੁੰਦਿਆਂ ਬਰਨਾਲਾ ਅਦਾਲਤ ਵੱਲੋ ਧੋਖਾਧੜੀ ਮਾਮਲੇ ਵਿਚੋ ਇਕ ਬਰੀ
7ਡੇਅ ਨਿਊਜ ਸਰਵਿਸ
ਬਰਨਾਲਾ ਦੇ ਜੁਡੀਸ਼ੀਅਲ ਮੈਜਿਸਟਰੇਟ ਵਿਜੈ ਕੁਮਾਰ ਡਡਵਾਲ ਜੁਡੀਸ਼ੀਲ ਮੈਜਿਸਟਰੇਟ ਪਹਿਲਾ ਦਰਜਾ ਦੀ ਅਦਾਲਤ ਵੱਲੋ ਇਕ ਚਾਰ ਸਾਲ ਪੁਰਾਣੇ ਧੋਖਾਧੜੀ ਦੇ ਫੋਜਦਾਰੀ ਮਾਮਲੇ ਵਿਚ ਨਾਮਜਦ ਵਿਅਕਤੀ ਨੂੰ ਐਡਵੋਕੈਟ ਗਗਨਦੀਪ ਗਰਗ ਤਪਾ ਵਾਲਿਆਂ ਦੀਆ ਦਲੀਲਾਂ ਨਾਲ ਸਹਿਮਤ ਹੁੰਦਿਆਂ ਬਾਇੱਜਤ ਬਰੀ ਕੀਤਾ ਗਿਆ ਹੈ। ਐਡਵੋਕੈਟ ਗਗਨਦੀਪ ਗਰਗ ਤਪਾ ਵਾਲਿਆਂ ਨੇ ਦੱਸਿਆਂ ਕਿ ਮਾਮਲੇ ਵਿਚ ਨਾਮਜਦ ਜਸਪਾਲ ਸਿੰਘ ਪੁੱਤਰ ਦਰਸ਼ਨ ਸਿੰਘ ਵਾਸੀਅਨ ਬਿਲਾਸਪੁਰ ਜਿਲਾ ਮੋਗਾ ਦੇ ਖਿਲਾਫ ਪਿੰਡ ਛੀਨੀਵਾਲ ਖੁਰਦ ਦੀ ਇਕ ਔਰਤ ਨੇ ਨੋਕਰੀ ਦਿਵਾਉਣ ਦਾ ਝਾਂਸਾ ਦੇ ਕੇ ਧੋਖਾਧੜੀ ਹੋਣ ਸਬੰਧੀ ਜਿਲਾ ਪੁਲਿਸ ਮੁੱਖੀ ਬਰਨਾਲਾ ਦੇ ਦਰਖਾਸਤ ਦੇ ਕੇ ਇਨਸਾਫ ਦੀ ਗੁਹਾਰ ਲਗਾਈ ਸੀ। ਜਿਸ ਦੀ ਪੜਤਾਲ ਉਸ ਵੇਲੇ ਦੇ ਪੁਲਿਸ ਕਪਤਾਨ (ਡੀ) ਵੱਲੋ ਕਰਕੇ ਜਸਪਾਲ ਸਿੰਘ ਬਿਲਾਸਪੁਰ ਖਿਲਾਫ 24 ਦਸੰਬਰ 2018 ਨੂੰ ਭਾਰਤੀ ਦੰਡਵਾਲੀ ਕਾਨੂੰਨ ਦੀ ਧਾਰਾ 420, 34 ਆਈ.ਪੀ.ਸੀ ਤਹਿਤ ਥਾਣਾ ਠੁੱਲੀਵਾਲ ਵਿਖੇ ਮਾਮਲਾ ਦਰਜ ਕੀਤਾ ਗਿਆ ਸੀ। ਮਾਮਲਾ ਜੁਡੀਸ਼ੀਅਲ ਮੈਜਿਸਟਰੇਟ ਵਿਜੈ ਕੁਮਾਰ ਡਡਵਾਲ ਜੁਡੀਸ਼ੀਲ ਮੈਜਿਸਟਰੇਟ ਪਹਿਲਾ ਦਰਜਾ ਦੀ ਅਦਾਲਤ ਵਿਚ ਆਇਆ, ਜਿੱਥੇ ਨਾਮਜਦ ਜਸਪਾਲ ਸਿੰਘ ਦੀ ਤਰਫੋ ਦਾਵਾ ਪੇਸ਼ ਕਰਨ ਉਪਰੰਤ ਐਡਵੋਕੇਟ ਗਗਨਦੀਪ ਗਰਗ ਨੇ ਲਗਾਤਾਰ ਮਾਮਲੇ ਦੀ ਪੈਰਵੀ ਕੀਤੀ, ਸਮੇਂ-2 ’ਤੇ ਗਵਾਹਾਂ ਨੂੰ ਕੀਤੇ ਸਵਾਲ ਅਤੇ ਪੁਲਿਸ ਵੱਲੋ ਮਨਘੜਤ ਬਣਾਏ ਇਸ ਸਮੁੱਚੇ ਮਾਮਲੇ ’ਤੇ ਚਾਨਣਾ ਪਾਉਦਿਆਂ ਮਾਣਯੋਗ ਅਦਾਲਤ ਸਾਹਮਣੇ ਸੱਚ ਲਿਆਂਦਾ। ਜਿਸ ’ਤੇ ਮਾਣਯੋਗ ਅਦਾਲਤ ਦੇ ਵਿਜੈ ਕੁਮਾਰ ਡਡਵਾਲ ਜੁਡੀਸ਼ੀਲ ਮੈਜਿਸਟਰੇਟ ਪਹਿਲਾ ਦਰਜਾ ਨੇ ਐਡਵੋਕੇਟ ਗਗਨਦੀਪ ਗਰਗ ਦੀਆ ਦਲੀਲਾਂ ਨਾਲ ਸਹਿਮਤ ਹੁੰਦਿਆਂ ਨਾਮਜਦ ਵਿਅਕਤੀ ਜਸਪਾਲ ਸਿੰਘ ਨੂੰ ਬਾਇੱਜਤ ਬਰੀ ਕਰ ਦਿੱਤਾ।