ਪੁਲਿਸ ਦੇ ਹੱਥ ਖਾਲੀ ਹਥੋੜੀ, ਕੜਾ ਦਿੱਲੀ ਵਾਲਿਆਂ ਦੇ ਗੁੱਟ ’ਤੇ ਸਜਿਆ ਹੋਇਆ, ਸੁਨਿਆਰੇ ਦੀ ਲੁੱਟ ਦਾ ਸੱਚ
7ਡੇਅ ਨਿਊਜ ਸਰਵਿਸ
ਜਿਲਾ ਬਰਨਾਲਾ ਦੇ ਸ਼ਹਿਰ ਤਪਾ ਮੰਡੀ ਅੰਦਰ ਬੀਤੇ ਦਿਨੀ ਅਣਪਛਾਤੇ ਲੁਟੇਰਿਆਂ ਵੱਲੋ ਇਕ ਸੁਨਿਆਰੇ ਦੀ ਦੁਕਾਨ ’ਤੇ ਸੋਨਾ ਖਰੀਦਣ ਦੇ ਬਹਾਨੇ ਨਾਲ ਬਹਿ ਕੇ ਕਾਰੋਬਾਰੀ ਦੇ ਸਿਰ ਵਿਚ ਯੋਜਨਾਬੰਦ ਤਰੀਕੇ ਨਾਲ ਮਾਰੀ ਹਥੋੜੀ ਅਤੇ ਸੋਨੇ ਦਾ ਕੜਾ ਚੋਰੀ ਕਰ ਲੈਣ ਤੋ ਬਾਅਦ ਇਲਾਕੇ ਭਰ ਅੰਦਰ ਇਸ ਘਟਨਾ ਨੂੰ ਲੈ ਕੇ ਕਾਰੋਬਾਰੀਆਂ ਅੰਦਰ ਫੈਲੇ ਰੋਹ ਤੋ ਬਾਅਦ ਪੁਲਿਸ ਵੱਲੋ ਉਕਤ ਮਾਮਲੇ ਦੀ ਤਹਿ ਤੱਕ ਜਾ ਕੇ ਘਟਨਾ ਨੂੰ ਅੰਜਾਮ ਦੇਣ ਵਾਲੇ ਗੁਆਂਢੀ ਜਿਲੇਂ ਬਠਿੰਡਾ ਦੇ ਪਿੰਡ ਬੁਰਜ ਮਾਨਸ਼ਾਹੀਆਂ ਦੇ ਦੋ ਨੌਜਵਾਨਾਂ ਨੂੰ ਦਬੋਚ ਕੇ ਘਟਨਾ ਸਬੰਧੀ ਸਮੁੱਚੇ ਤੱਥ ਖੰਘਾਲ ਲਏ ਅਤੇ ਹਿਰਾਸਤ ਵਿਚ ਲਏ ਨੌਜਵਾਨਾਂ ਤੋ ਸਖਤੀ ਨਾਲ ਇਲਾਕੇ ਅੰਦਰ ਅਜਿਹੀਆ ਹੋਰਨਾਂ ਘਟਨਾਵਾਂ ਦਾ ਸੱਚ ਬਲਾਉਣ ਲਈ ਆਪਣੇ ਤਰੀਕੇ ਨਾਲ ਤਪਾ ਪੁਲਿਸ ਅਤੇ ਸੀ.ਆਈ.ਏ ਸਟਾਫ ਹੰਡਿਆਇਆ ਨੇ ਸਾਂਝੀ ਕਾਰਵਾਈ ਪਾਉਦਿਆਂ ਪੜਤਾਲ ਕੀਤੀ। ਜਿਸ ਸਬੰਧੀ ਵਿਚ ਉਪ ਕਪਤਾਨ ਪੁਲਿਸ ਰਾਵਿੰਦਰ ਸਿੰਘ ਰੰਧਾਵਾਂ ਨੇ ਉਕਤ ਘਟਨਾ ਦੇ ਤੱਥ ਖੰਘਾਲਦਿਆਂ ਦੱਸਿਆਂ ਸੀ ਕਿ ਉਕਤ ਘਟਨਾ ਨੂੰ ਅੰਜਾਮ ਦੇਣ ਵਾਲੇ ਦੋ ਨੌਜਵਾਨ ਸਨਪ੍ਰੀਤ ਉਰਫ ਸੰਨੀ ਪੁੱਤਰ ਗੁਰਵਿੰਦਰ ਸਿੰਘ ਅਤੇ ਮਨਪ੍ਰੀਤ ਸਿੰਘ ਉਰਫ ਮਨੀ ਪੁੱਤਰ ਪ੍ਰਗਟ ਸਿੰਘ ਦੇ ਘਰ ਪਿਛਲੇ ਦਿਨੀਂ ਛਾਪੇਮਾਰੀ ਕੀਤੀ। ਜਿਸ ਵਿਚ ਦੋਵੇ ਨੌਜਵਾਨ ਪੁਲਿਸ ਦੀ ਗਿ੍ਰਫਤਾਰੀ ਤੋ ਡਰਦੇ ਮਾਰੇ ਦਿੱਲੀ ਭੱਜ ਨਿਕਲੇ ਸਨ ਪਰ ਬਾਅਦ ਵਿਚ ਥਾਣਾ ਮੁੱਖੀ ਨਿਰਮਲਜੀਤ ਸਿੰਘ ਸੰਧੂ ਅਤੇ ਸੀ.ਆਈ.ਏ ਸਟਾਫ ਦੇ ਇੰਚਾਰਜ ਬਲਜੀਤ ਸਿੰਘ ਨੇ ਉਕਤ ਨੌਜਵਾਨਾਂ ਨੂੰ ਰਾਮਪੁਰਾ ਫੂਲ ਦੇ ਬੱਸ ਅੱਡੇ ਤੋ ਹਿਰਾਸਤ ਵਿਚ ਲਿਆ। ਪਰ ਇਸੇ ਦੌਰਾਨ ਅੰਦਰੂਨੀ ਸੂਤਰਾਂ ਤੋ ਪਤਾ ਲੱਗਿਆ ਕਿ ਉਕਤ ਘਟਨਾ ਵਿਚ ਸੁਨਿਆਰੇ ਦੀ ਦੁਕਾਨ ਤੋ ਕਾਰੋਬਾਰੀ ਨੂੰ ਜਖਮੀ ਕਰਕੇ ਲੁੱਟਿਆ ਸੋਨੇ ਦਾ ਕੜਾ ਅਜੇ ਤੱਕ ਪੁਲਿਸ ਦੇ ਹੱਥ ਨਹੀ ਲੱਗਿਆ ਕਿਉਕਿ ਉਕਤ ਘਟਨਾ ਨੂੰ ਅੰਜਾਮ ਦੇਣ ਵਾਲੇ ਨੋਜਵਾਨਾਂ ਨੇ ਉਕਤ ਸੋਨੇ ਦੇ ਕੜੇ ਨੂੰ 85 ਹਜਾਰ ਰੁਪੈ ਦੇ ਕਰੀਬ ਰਾਸ਼ੀ ਵਿਚ ਦਿੱਲੀ ਦੇ ਕਿਸੇ ਸੋਨਾ ਖਰੀਦਣ ਵਾਲੇ ਦੁਕਾਨਦਾਰ ਜਾਂ ਸੁਨਿਆਰਿਆਂ ਨੂੰ ਵੇਚ ਵੱਟ ਕੇ ਐਸ਼ ਪ੍ਰਸਤੀ ਕਰ ਲਈ ਹੈ। ਜਿਸ ਕਾਰਨ ਪੁਲਿਸ ਲਈ ਹੁਣ ਦਿੱਲੀ ਨੂੰੂ ਚਾਲੇ ਪਾਉਣੇ ਪੈਣਗੇ ਤਾਂ ਜੋ ਲੁੱਟਿਆ ਮਾਲ ਵਾਪਸ ਲਿਆਂਦਾ ਜਾ ਸਕੇ, ਨਹੀ ਤਾਂ ਪੁਲਿਸ ਦੇ ਹੱਥ ਸੋਨਾ ਦਾ ਕੜਾ ਆਉਣ ਦੀ ਥਾਂ ਅਜੇ ਤੱਕ ਹਥੌੜੀ ਹੀ ਆਈ ਹੈ। ਉਧਰ ਘਟਨਾ ਨੂੰ ਲੈ ਕੇ ਇਕ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਹੁਣ ਤਪਾ ਪੁਲਿਸ ਉਕਤ ਨਾਮਜਦ ਨੌਜਵਾਨਾ ਦਾ ਪੁਲਿਸ ਰਿਮਾਂਡ ਲੈ ਕੇ ਉਨਾਂ ਨੂੰ ਨਾਲ ਲੈ ਕੇ ਦਿੱਲੀ ਉਕਤ ਦੁਕਾਨ ’ਤੇ ਛਾਪੇਮਾਰੀ ਕਰੇਗੀ, ਜਿੱਥੇ ਇਹ ਸੋਨੇ ਦਾ ਕੜਾ ਵਿੱਕਿਆ ਹੈ। ਜੇਕਰ ਪੁਲਿਸ ਉਕਤ ਘਟਨਾ ਵਿਚ ਸਫਲਤਾ ਹਾਸਿਲ ਕਰ ਲੈਂਦੀ ਹੈ ਤਦ ਪੁਲਿਸ ਨੂੰ ਐਫ.ਆਈ.ਆਰ ਵਿਚ ਕੁਝ ਹੋਰ ਨਾਂਅ ਵੀ ਦਰਜ ਕਰਨੇ ਪੈਣਗੇ ।