ਬ੍ਰਾਹਮਲੀਨ ਮਹੰਤ ਸੇਵਾ ਦਾਸ ਮੋਨੀ ਦੀ ਸਲਾਨਾ ਬਰਸੀ ਸ਼ਤਰਧਾਪੂਰਵਕ ਮਨਾਈ ਗਈ
ਤਪਾ ਮੰਡੀ/ਫੂਲ ਟਾਊਨ, 7ਡੇਅ ਨਿਊਜ ਸਰਵਿਸ
ਸਥਾਨਕ ਸ਼ਹਿਰ ਦੇ ਪ੍ਰਸਿੱਧ ਧਾਰਮਿਕ ਸਥਾਨ ਡੇਰਾ ਬਾਬਾ ਇੰਦਰ ਦਾਸ ਵਿਖੇ ਬ੍ਰਾਹਮਲੀਨ ਮਹੰਤ ਸੇਵਾ ਦਾਸ ਮੋਨੀ ਜੀ ਦੀ ਸਲਾਨਾ 15ਵੀਂ ਬਰਸੀ ਡੇਰੇ ਦੇ ਮਹੰਤ ਬਾਬਾ ਭਗਵਾਨ ਦਾਸ ਜੀ ਦੀ ਦੇਖ ਰੇਖ ਹੇਠ ਸ਼ਰਧਾਪੂਰਵਕ ਤਰੀਕੇ ਨਾਲ ਮਨਾਈ ਗਈ। ਧਾਰਮਿਕ ਸਮਾਗਮ ਦੌਰਾਨ ਪ੍ਰਕਾਸ਼ ਹੋਏ ਸ੍ਰੀ ਅਖੰਡ ਰਮਾਇਣ ਪਾਠ ਜੀ ਦੇ ਭੋਗ ਪਾਏ ਗਏ। ਧਾਰਮਿਕ ਸਮਾਗਮ ਦੌਰਾਨ ਦੂਰ ਦੁਰੇਡੇ ਤੋ ਪੁੱਜੇ ਸੰਤਾਂ ਨੇ ਮਹੰਤ ਸੇਵਾ ਦਾਸ ਜੀ ਮੋਨੀ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ। ਉਧਰ ਫੂਲ ਟਾਊਨ ਵਿਖੇ ਵੀ ਡੇਰਾ ਸੰਤ ਸੇਵਾ ਦਾਸ ਜੀ ਮੋਨੀ ਵਿਖੇ ਮਹੰਤ ਗੁਰਚਰਨ ਦਾਸ ਦੀ ਜੀ ਦੇਖ ਰੇਖ ਹੇਠ ਸਲਾਨਾ ਬਰਸੀ ਮਨਾਈ ਗਈ, ਜਿੱਥੇ ਪ੍ਰਕਾਸ਼ ਹੋਏ ਸ੍ਰੀ ਅਖੰਡ ਪਾਠ ਦੇ ਭੋਗ ਪਾਏ ਗਏ। ਸਮਾਗਮ ਦੌਰਾਨ ਮਹੰਤ ਦਮੋਦਰ ਦਾਸ ਸ੍ਰੀ ਹਰਿਦੁਆਰ, ਮਹੰਤ ਰਾਮ ਸ਼ਰਨ ਦਾਸ ਗੋਬਿੰਦਗੜ ਵਾਲੇ ਸਣੇ ਵੱਡੀ ਗਿਣਤੀ ਵਿਚ ਪੁੱਜੇ ਸਾਧੂ ਮਹਾਤਮਾ ਅਤੇ ਡੇਰੇ ਦੇ ਸ਼ਰਧਾਲੂਆਂ ਨੇ ਨਤਮਸਤਕ ਹੋ ਕੇ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ। ਇਸ ਮੌਕੇ ਸੁਰੇਸ਼ ਕੁਮਾਰ ਪੱਖੋ ਸਾਬਕਾ ਪ੍ਰਧਾਨ, ਪਵਨ ਕੁਮਾਰ ਬਤਾਰਾ, ਪ੍ਰਦੀਪ ਗੁਪਤਾ, ਤਰਲੋਕ ਚੰਦ ਤੋਤੀ, ਗੋਲਡੀ ਮਹਿਤਾ, ਸੁਭਾਸ਼ ਤਪਾਸੇ, ਮੱਖਣ ਲਾਲ ਰੂੜੇਕੇ, ਸੋਹਣ ਲਾਲ ਵਧਵਾ ਸਾਬਕਾ ਕੌਸਲਰ, ਭੂਸਨ ਕੁਮਾਰ ਮੌਗਾ, ਰੋਹਿਤ ਸਿੰਗਲਾ, ਗਿੰਨੀ ਗੁਪਤਾ, ਦੀਪਾ ਬੂਟਾ ਵਾਲਾ, ਹੈਪੀ ਪੱਖੋ ਸਣੇ ਵੱਡੀ ਗਿਣਤੀ ਵਿਚ ਸਾਧੂ ਸੰਤ ਅਤੇ ਸ਼ਰਧਾਲੂ ਹਾਜਰ ਸਨ।