ਡੇਰੇ ਦੇ ਮਹੰਤ ਨੇ ਕੀਤੀ ਖੁਦਕਸ਼ੀ, ਕਾਰਨ ਦਾ ਪਤਾ ਨਾ ਲਗ ਸਕਿਆ

ਡੇਰੇ ਦੇ ਮਹੰਤ ਨੇ ਕੀਤੀ ਖੁਦਕਸ਼ੀ, ਕਾਰਨ ਦਾ ਪਤਾ ਨਾ ਲਗ ਸਕਿਆ
7ਡੇਅ ਨਿਊਜ ਸਰਵਿਸ
ਸਥਾਨਕ ਸ਼ਹਿਰ ਦੇ ਇਕ ਡੇਰੇ ਦੇ ਸੰਚਾਲਕ ਨੋਜਵਾਨ ਮਹੰਤ ਵੱਲੋ ਫਾਹਾ ਲੈ ਕੇ ਖੁਦਕਸ਼ੀ ਕਰ ਲਏ ਜਾਣ ਦੀ ਖਬਰ ਪ੍ਰਾਪਤ ਹੋਈ ਹੈ ਜਦਕਿ ਉਕਤ ਮਹੰਤ ਦੋ ਭੈਣਾਂ ਦੀ ਇਕਲੋਤਾ ਭਰਾ ਸੀ। ਮਿਲੀ ਜਾਣਕਾਰੀ ਅਨੁਸਾਰ ਇਲਾਕੇ ਦੇ ਸਭ ਤੋ ਵੱਧ ਭੋਇ ਦੇ ਕਾਬਜਕਾਰ ਡੇਰਾ ਠਾਕੁਰ ਦੁਆਰਾ ਦੇ ਚਾਰ ਮਹੰਤਾਂ ਵਿਚੋ ਇਕ ਮਹੰਤ ਨੇ ਡੇਰੇ ਵਿਚਲੇ ਆਪਣੇ ਘਰ ਅੰਦਰ ਹੀ ਫਾਹਾ ਲੈ ਕੇ ਜੀਵਨ ਲੀਲਾ ਸਮਾਪਤ ਕਰ ਲਈ। ਨੌਜਵਾਨ ਮਿ੍ਰਤਕ ਮਹੰਤ ਦੋ ਭੈਣਾਂ ਦਾ ਇਕਲੋਤਾ ਭਰਾ ਸੀ। ਜਿਸ ਦੇ ਪਿਤਾ ਦੀ ਪਿਛਲੇ ਸਮੇਂ ਅਚਨਚੇਤ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ ਸੀ ਅਤੇ ਮਿ੍ਰਤਕ ਆਪਣੀਆ ਭੈਣਾਂ ਸਣੇ ਆਪਣੇ ਤਾਏ ਕੋਲ ਹੀ ਰਹਿੰਦਾ ਸੀ। ਪਿਛਲੇ ਸਮੇਂ ਡੇਰੇ ਦੇ ਮਹੰਤ ਦੀ ਮੌਤ ਹੋ ਜਾਣ ’ਤੇ ਮਹੰਤਾਂ ਦੇ ਪਰਿਵਾਰਾਂ ਨੇ ਏਕਾਧਾਰ ਹੋ ਕੇ ਆਪਿਸੀ ਲੜਾਈ ਝਗੜਿਆਂ, ਅਦਾਲਤੀ ਥਾਣਿਆਂ ਦੇ ਮਾਮਲਿਆਂ ਤੋ ਖਹਿੜਾ ਛੁੜਾਉਣ ਲਈ ਡੇਰਾ ਠਾਕੁੂਰ ਦੁਆਰਾ ਦੇ ਇਕ ਦੀ ਥਾਂ ਚਾਰ ਮਹੰਤ ਥਾਪ ਦਿੱਤੇ ਸਨ, ਜਿਸ ਵਿਚੋ ਇਕ ਮਹੰਤ ਵਜੋ ਉਕਤ ਵੀ ਕਾਰਜ ਸੀ ਜਦਕਿ ਇਸ ਦੇ ਪਿਤਾ ਵੀ ਆਪਣੇ ਕਾਰਜਕਾਲ ਦੌਰਾਨ ਕੁਝ ਸਮਾਂ ਬਰਾਬਰ ਦੇ ਮਹੰਤ ਰਹੇ ਹਨ। ਪਰ ਅੱਜ ਅਚਨਚੇਤ ਮਹੰਤ ਨੇ ਆਪਣੇ ਘਰ ਅੰਦਰ ਹੀ ਫਾਹਾ ਲੈ ਕੇ ਖੁਦਕਸ਼ੀ ਕਰ ਲਈ। ਥਾਣਾ ਮੁੱਖੀ ਨਿਰਮਲਜੀਤ ਸਿੰਘ ਸੰਧੂ ਨਾਲ ਜਦ ਇਸ ਮਾਮਲੇ ਬਾਰੇ ਗੱਲ ਕੀਤੀ ਤਦ ਉਨਾਂ ਅਜਿਹਾ ਹੋਣ ਤੋ ਅਗਿਆਨਤਾ ਪ੍ਰਗਟਾਈ। ਨੋਜਵਾਨ ਮਹੰਤ ਨੇ ਕਿਉ ਖੁਦਕਸ਼ੀ ਕੀਤੀ ਇਸ ਬਾਰੇ ਰਹੱਸ ਬਣਿਆ ਹੋਇਆ ਹੈ। ਜਿਸ ਦਾ ਸਮਾਂ ਆਉਣ ’ਤੇ ਹੀ ਪਤਾ ਲੱਗ ਸਕੇਗਾ।