ਤਪਾ ਪੁਲਿਸ ਨੇ ਮੋਟਰਸਾਈਕਲ ਚੋਰਾਂ ਨੂੰ ਦਬੋਚਿਆ, ਦੋ ਮੋਟਰਸਾਈਕਲ ਬਰਾਮਦ, ਹੋਰ ਬਰਾਮਦ ਹੋਣ ਦੀ ਆਸ ਬੰਝੀ
7ਡੇਅ ਨਿਊਜ ਸਰਵਿਸ
ਤਪਾ ਮੰਡੀ, ਸਥਾਨਕ ਸਿਟੀ ਪੁਲਿਸ ਵੱਲੋ ਦੋ ਮੋਟਰਸਾਈਕਲ ਚੋਰਾਂ ਨੂੰ ਦਬੋਚਣ ਦੀ ਸੂਹ ਮਿਲੀ ਹੈ। ਸੂਤਰਾਂ ਤੋ ਮਿਲੀ ਜਾਣਕਾਰੀ ਅਨੁਸਾਰ ਸਿਟੀ ਪੁਲਿਸ ਨੇ ਪਿੰਡ ਨੈਣੇਵਾਲ ਅਤੇ ਛੰਨਾਂ ਗੁਲਾਬ ਸਿੰਘ ਪਿੰਡ ਦੇ ਦੋ ਨੌਜਵਾਨਾਂ ਨੂੰ ਦਬੋਚਿਆ ਹੈ, ਜੋ ਇਲਾਕੇ ਅੰਦਰੋ ਮੋਟਰਸਾਈਕਲ ਚੋਰੀ ਕਰਨ ਦੇ ਆਦੀ ਸਨ, ਜਿਨਾਂ ਦੇ ਖਿਲਾਫ ਭਾਰਤੀ ਦੰਡਵਾਲੀ ਕਾਨੂੰਨ 379, 411 ਅਧੀਨ ਮੁੱਕਦਮਾ ਨੰਬਰ 25 ਦਰਜ ਹੋਇਆ ਹੈ। ਭਾਵੇਂ ਅਜੇ ਤੱਕ ਪੁਲਿਸ ਨੇ ਮਾਮਲੇ ਵਿਚ ਪੂਰੇ ਤੱਥ ਉਜਾਗਰ ਨਹੀ ਕੀਤੇ, ਪਰ ਸੂਤਰਾਂ ਅਨੁਸਾਰ ਪੁਲਿਸ ਦੇ ਹੱਥ ਇਨਾਂ ਚੋਰਾਂ ਸਣੇ ਦੋ ਮੋਟਰਸਾਈਕਲ ਵੀ ਲੱਗੇ ਹਨ ਜਦਕਿ ਹੋਰ ਵੀ ਦੋ ਪਹੀਆ ਵਾਹਨ ਮਿਲਣ ਦੀ ਸੰਭਾਵਨਾ ਬਣੀ ਹੋਈ ਹੈ। ਉਧਰ ਪੁਲਿਸ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਕਰ ਰਹੀ ਹੈ ਕਿਉਕਿ ਇਲਾਕੇ ਅੰਦਰੋ ਬੀਤੇ ਸਮੇਂ ਦੌਰਾਨ ਕਾਫੀ ਦੋ ਪਹੀਆ ਵਾਹਨ ਚੋਰੀ ਹੋਏ ਹਨ।