ਕਈ ਜਿਲਿਆਂ ਦੇ ਜੁਆਰੀ ਆਪਣੇ ਜੂਆ ਖੇਡਣ ਦੀ ਲਤ ਪੂਰੀ ਕਰਦੇ ਨੇ ਰਾਮਪੁਰਾ ਸ਼ਹਿਰ ’ਚ, ਲੱਖਾਂ ਦੀ ਨਗਦੀ ਸਣੇ ਪੁਲਿਸ ਨੇ ਕਈ ਜੁਆਰੀ ਦਬੋਚੇ
ਰਾਮਪੁਰਾ ਫੂਲ (ਬਠਿੰਡਾ) 20 ਫਰਵਰੀ (ਲੁਭਾਸ਼ ਸਿੰਗਲਾ/ਮਨਮੋਹਨ ਗਰਗ/ਗੁਰਪ੍ਰੀਤ ਸਿੰਘ) :- ਕਈ ਜਿਲਿਆਂ ਦੇ ਜੁਆਰੀਆਂ ਲਈ ਜੂਆ ਖੇਡਣ ਲਈ ਹੱਬ ਬਣਿਆ ਰਾਮਪੁਰਾ ਸ਼ਹਿਰ ਵਿਚੋ ਆਖਿਰ ਸੀ.ਆਈ.ਏ ਸਟਾਫ ਨੇ ਠੱਲ ਪਾਉਣ ਲਈ ਲੱਖਾਂ ਰੁਪੈ ਦੀ ਨਗਦੀ, ਤਾਸ਼ ਸਣੇ ਵੱਖ-2 ਜਿਲਿਆਂ ਦੇ ਪੋਣੀ ਦਰਜਣ ਤੋ ਵਧੇਰੇ ਜੁਆਰੀਆਂ ਨੂੰ ਦਬੋਚਣ ਦਾ ਦਾਅਵਾ ਕੀਤਾ ਹੈ ਜਦਕਿ ਇਹ ਕੋਈ ਇਕਲਾ ਜੂਏ ਦਾ ਅੱਡਾ ਨਹੀ ਬਲਕਿ ਇਸ ਤੋ ਇਲਾਵਾ ਵੀ ਸ਼ਹਿਰ ਅੰਦਰ ਵੱਡੀ ਪੱਧਰ ’ਤੇ ਜੂਏ ਅਤੇ ਸੱਟੇ ਦੇ ਅੱਡੇ ਚਲ ਰਹੇ ਹਨ। ਮਾਮਲੇ ਦੇ ਪੜਤਾਲੀਆਂ ਅਧਿਕਾਰੀ ਸਬ ਇੰਸਪੈਕਟਰ ਹਰਜੀਵਨ ਸਿੰਘ ਸੀ.ਆਈ.ਏ-1 ਨੇ ਦੱਸਿਆਂ ਕਿ ਮੁਖਬਰ ਵੱਲੋ ਇਤਲਾਹ ਮਿਲੀ ਕਿ ਦਰਜਣ ਦੇ ਕਰੀਬ ਵੱਖ ਵੱਖ ਜਿਲਿਆਂ ਦੇ ਵਿਅਕਤੀ ਰਾਮਪੁਰਾ ਵਿਖੇ ਜੂਆ ਖੇਡ ਰਹੇ ਹਨ। ਉਨਾਂ ਅੱਗੇ ਦੱਸਿਆਂ ਕਿ ਸੂਚਨਾ ਮਿਲਦਿਆਂ ਹੀ ਸੀ.ਆਈ.ਏ ਦੀ ਟੀਮ ਜੀ.ਐਸ.ਕੰਢਾ ਰੋਡ ਵਾਲੀ ਗਾਂਧੀ ਬਸਤੀ ਨੂੰ ਰਵਾਨਾ ਹੋਈ, ਜਿੱਥੇ ਰਾਤ ਕਰੀਬ 10 ਵਜੇ ਇਕ ਨੌਹਰੇ ਵਰਗੀ ਜਗਾਂ ਵਿਚੋ 10 ਜੁਆਰੀਆਂ ਨੂੰ ਦਬੋਚਿਆਂ, ਜਿਨਾਂ ਕੋਲੋ ਪੁਲਿਸ ਨੂੰ 1 ਲੱਖ 42 ਹਜਾਰ ਰੁਪੈ ਸਣੇ ਇਕ ਤਾਸ਼ ਬਰਾਮਦ ਹੋਈ। ਉਨਾਂ ਅੱਗੇ ਦੱਸਿਆਂ ਕਿ ਜੂਆ ਖੇਡਦੇ ਵਿਅਕਤੀਆਂ ਖਿਲਾਫ ਜੂੁਆ ਐਕਟ ਦੀਆ ਵੱਖ ਵੱਖ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ। ਉਧਰ ਪੁਲਿਸ ਨੇ ਨਾਮਜਦ ਕੀਤੇ ਵਿਅਕਤੀਆਂ ਦੀ ਪਛਾਣ ਪ੍ਰਮੋਦ ਕੁਮਾਰ ਵਾਸੀ ਸੰਗਰੂਰ, ਬਹਾਦਰ ਸਿੰਘ, ਜਸਪਾਲ ਸਿੰਘ, ਰਾਕੇਸ਼ ਕੁਮਾਰ, ਰੋਹਿਤ ਕੁਮਾਰ ਵਾਸੀ ਰਾਮਪੁਰਾ, ਮਨੋਜ ਕੁਮਾਰ ਵਾਸੀ ਬਰਨਾਲਾ ਸਣੇ ਮੁਹੰਮਦ ਨਜੀਰ, ਰਵੀ ਕੁਮਾਰ, ਰਮਜਾਨ, ਮੁਹੰਮਦ ਜਮੀਨ ਵਾਸੀ ਮਲੇਰਕੋਟਲਾ ਵਜੋ ਦਰਸਾਈ ਗਈ ਹੈ। ਜਿਕਰਯੋਗ ਹੈ ਕਿ ਰਾਮਪੁਰਾ ਸ਼ਹਿਰ ਇਸ ਵੇਲੇ ਜੂਏ ਅਤੇ ਦੜੇ ਸੱਟੇ ਵਿਚ ਜਿਲੇਂ ਭਰ ਵਿਚੋ ਮੋਹਰੀ ਸ਼ਹਿਰ ਵਜੋ ਪ੍ਰਸਿੱਧੀ ਖਟ ਚੁੱਕਿਆ ਹੈ।