ਨਿੱਤ ਨਵੀਂ ਜਿੱਤ ਵੱਲ ਵਧ ਰਹੀ ਐ ਡਾ ਸੋਨੀਕਾ ਬਾਂਸਲ ਬਰਨਾਲੇ ਵਾਲੇ
ਤਪਾ ਮੰਡੀ, 7ਡੇਅ ਨਿੳੂਜ ਸਰਵਿਸ : ਨਗਰ ਕੌਸਲ ਤਪਾ ਦੀ ਪ੍ਰਧਾਨਗੀ ਪਦ ਲਈ ਚਲ ਰਹੀ ਸਿਆਸੀ ਦੌੜ ਵਿਚ ਕੌਸਲਰਾਂ ਦੇ ਦੋ ਧੜਿਆਂ ਵਿਚ ਕੌਸਲਰ ਜੋੜਣ ਦੀ ਲੱਗੀ ਹੋੜ ਵਿਚ ਡਾ ਸੋਨੀਕਾ ਬਾਂਸਲ ਪਤਨੀ ਡਾ ਬੀ.ਸੀ.ਬਾਂਸਲ ਬਰਨਾਲੇ ਵਾਲੇ ਦੀ ਟੀਮ ਅੱਗੇ ਵਧਦੀ ਨਜਰ ਆ ਰਹੀ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਸ਼ਹਿਰ ਦੇ ਰਸੂਖਦਾਰ ਬਰਨਾਲੇ ਵਾਲੇ ਡਾਕਟਰ ਦੇ ਪਰਿਵਾਰ ਦੀ ਪੜੀ ਲਿਖੀ ਨੂੰਹ ਡਾ ਸੋਨੀਕਾ ਬਾਂਸਲ ਨੇ ਪਿਛਲੇ ਆਪਣੇ ਮੀਤ ਪ੍ਰਧਾਨ ਦੇ ਕਾਰਜਕਾਲ ਦੌਰਾਨ ਜਿੱਥੇ ਆਪਣੇ ਵਾਰਡ ਵਾਸੀਆਂ ਅਤੇ ਲੋਕਾਂ ਨਾਲ ਕੀਤੇ ਵਾਅਦਿਆਂ ਨੂੰ ਪੂਰ ਚੜਾਇਆ, ਉਥੇ ਸ਼ਹਿਰ ਦੇ ਸਭ ਤੋ ਅਹਿਮ ਸੁਰੱਖਿਆਂ ਲਈ ਤੈਨਾਤ ਕੀਤੀ ਅੰਦਰਲੀ ਸਿਟੀ ਚੌਕੀ ਦੇ ਪਿਛਲੇ ਸਮੇਂ ਬੰਦ ਹੋ ਜਾਣ ਕਾਰਨ ਜਿੱਥੇ ਸ਼ਹਿਰੀ ਕੁਝ ਅਸਹਿਜ ਮਹਿਸੂਸ ਕਰਦੇ ਸਨ ਦੀ ਬਹਾਲੀ ਲਈ ਵੀ ਡਾਹਢੇ ਯਤਨ ਕਰਕੇ ਸਫਲਤਾ ਹਾਸਿਲ ਕੀਤੀ ਸੀ, ਕਿਉਕਿ ਸ਼ਹਿਰ ਅੰਦਰ ਪੁਰਾਣੇ ਥਾਣੇ ਅੰਦਰ ਬਣੀ ਸਿਟੀ ਚੌਕੀ ਨਗਰ ਕੌਸਲ ਚੋਣਾਂ ਤੋ ਪਹਿਲਾ ਪੁਲਿਸ ਵਿਭਾਗ ਵੱਲੋ ਬੰਦ ਕਰ ਦਿੱਤੀ ਗਈ ਸੀ ਜੋ ਕਿ ਡਾ ਸੋਨੀਕਾ ਬਾਂਸਲ ਦੇ ਵਾਰਡ ਦਾ ਹਿੱਸਾ ਹੈ। ਡਾ ਸੋਨੀਕਾ ਬਾਂਸਲ ਨੇ ਨਗਰ ਕੌਸਲ ਚੋਣਾਂ ਦੋਰਾਨ ਸ਼ਹਿਰੀਆਂ ਨਾਲ ਖੁੱਲੇ ਤੌਰ ’ਤੇ ਵਾਅਦਾ ਕੀਤਾ ਸੀ ਕਿ ਜੇਕਰ ਉਨ੍ਹਾਂ ਸਿਰ ਜਿੱਤ ਦਾ ਸਿਹਰਾ ਸਜਦਾ ਹੈ ਤਾਂ ਸਿਟੀ ਚੌਕੀ ਨੂੰ ਬਹਾਲ ਕਰਵਾਉਣਾ ਉਨ੍ਹਾਂ ਦਾ ਮੁੱਢਲਾ ਫਰਜ ਹੋਵੇਗਾ। ਜਿਸ ’ਤੇ ਉਨ੍ਹਾਂ ਅਮਲ ਕਰਦਿਆਂ ਕੁਰਸੀ ਸੰਭਾਲਣ ਤੋ ਕੁਝ ਸਮੇਂ ਅੰਦਰ ਹੀ ਸਿਟੀ ਚੌਕੀ ਦੀ ਬਹਾਲੀ ਕਰਵਾਉਣ ਦੇ ਨਾਲ ਉਥੇ ਪੁਲਿਸ ਅਧਿਕਾਰੀ-ਕਰਮਚਾਰੀਆਂ ਦੀ ਵੀ ਤੈਨਾਤੀ ਹੋਈ ਸੀ ਅਤੇ ਲੋਕਾਂ ਨੇ ਸੁਰੱਖਿਆਂ ਪੱਖ ਤੋ ਕਾਫੀ ਰਾਹਤ ਮਹਿਸੂਸ ਕੀਤੀ। ਹੁਣ ਸਾਥੀ ਕੌਸਲਰਾਂ ਵੱਲੋ ਡਾ ਸੋਨੀਕਾ ਬਾਂਸਲ ਨੂੰ ਪ੍ਰਧਾਨ ਲਈ ਆਪਣੇ ਵੱਲੋ ਚੇਹਰੇ ਦੀ ਚੋਣ ਕੀਤੀ ਗਈ ਹੈ ਤਾਂ ਜੋ ਸ਼ਹਿਰ ਦਾ ਵਿਕਾਸ ਅਤੇ ਤਰੱਕੀ ਨਿਰਵਿਘਨ ਚਾਲੂ ਰਹੇ ਭਾਵੇਂ ਮੁੱਢਲੇ ਦੌਰ ਵਿਚ ਦੋਵੇ ਧੜੇ ਬਰਾਬਰ ’ਤੇ ਖੜੇ ਸਨ, ਪਰ ਹੁਣ ਤਸਵੀਰ ਕੁਝ ਬਦਲੀ ਨਜਰ ਆ ਰਹੀ ਹੈ। ਜਿਸ ਦੇ ਸਬੰਧ ਵਿਚ ਆਉਦੇਂ ਦਿਨਾਂ ਵਿਚ ਇਸ ਸਬੰਧ ਵਿਚ ਹੋਰ ਵੀ ਸਪੱਸ਼ਟਤਾ ਨਜਰ ਆਵੇਗੀ, ਪਰ ਸਿਆਸਤ ਵਿਚ ਕਦੋ ਕੁਝ ਹੋ ਜਾਵੇ ਇਸ ਸਬੰਧੀ ਵੀ ਕੁਝ ਕਹਿਣਾ ਸਮੇਂ ਤੋ ਪਹਿਲਾ ਕਾਹਲੀ ਨਾਲ ਕੀਤੀ ਭਵਿੱਖਬਾਣੀ ਹੋਵੇਗੀ। ਉਧਰ ਡਾ ਸੋਨੀਕਾ ਬਾਂਸਲ ਦਾ ਕਹਿਣਾ ਹੈ ਆਪ ਪਾਰਟੀ ਅਤੇ ਸਾਥੀ ਕੌਸਲਰ ਜੋ ਵੀ ਜੁੰਮੇਵਾਰੀ ਲਾਉਣਗੇ ਨੂੰ ਤਨਦੇਹੀ ਨਾਲ ਨਿਭਾਵਾਗੇਂ ਜਦਕਿ ਸ਼ਹਿਰ ਦੀ ਸੇਵਾਦਾਰ ਬਣ ਕੇ ਪਹਿਲਾ ਵੀ ਕੰਮ ਕੀਤਾ ਹੈ ਅਤੇ ਭਵਿੱਖ ਵਿਚ ਵੀ ਸ਼ਹਿਰ ਦੀ ਤਰੱਕੀ ਅਤੇ ਉੱਨਤੀ ਲਈ ਹਰ ਸਭਵ ਯਤਨ ਕੀਤੇ ਜਾਣਗੇ ਤਾਂ ਜੋ ਨਗਰ ਕੌਸਲ ਤੋ ਮਿਲਣ ਵਾਲੀਆ ਹਰ ਸਹੂਲਤਾਂ ਸ਼ਹਿਰੀਆਂ ਨੂੰ ਮਿਲ ਸਕਣ।