ਤਪਾ ਦੇ ਰਸੂਖਦਾਰ ਪਰਿਵਾਰ ਦੇ ਨੂੰਹ-ਪੁੱਤ ਤੋ ਡੋਮੇਨੋਜ ਪੀਜਾ ਫ੍ਰੈਂਚਾਈਜੀ ਦੇਣ ਦਾ ਝਾਂਸਾ ਦੇ ਕੇ ਲੱਖਾਂਂ ਠੱਗੇ, ਮਾਮਲਾ ਦਰਜ
ਪੁਲੀਸ ਨੇ ਪੰਜ ਖਿਲਾਫ ਧੋਖਾਧੜੀ ਦਾ ਮਾਮਲਾ ਦਰਜ ਕੀਤਾ
7ਡੇਅ ਨਿਊਜ ਸਰਵਿਸ
ਬ੍ਰਾਂਡਡ ਖਾਣ ਪੀਣ ਦੇ ਵਧ ਰਹੇ ਸ਼ੌਕ ਕਾਰਨ ਸ਼ਹਿਰ ਦੇ ਇਕ ਰਸੂਖਦਾਰ ਪਰਿਵਾਰ ਦੀ ਨੂੰਹ ਨੂੰ ਡੋਮੇਨੋਜ ਪੀਜਾ ਫ੍ਰੈਂਚਾਈਜੀ ਲੈਣ ਦਾ ਸ਼ੌਕ ਉਸ ਵੇਲੇ ਮਹਿੰਗਾ ਪੈ ਗਿਆ ਜਦ ਸ਼ੋਸ਼ਲ ਮੀਡੀਆ ’ਤੇ ਉਕਤ ਬ੍ਰਾਂਡ ਦੀ ਮਸ਼ਹੂਰੀ ਵੇਖ ਕੇ ਸਪੰਰਕ ਕਰਨ ’ਤੇ ਠੱਗਾਂ ਨੇ ਉਕਤ ਬ੍ਰਾਂਡ ਦੀ ਫ੍ਰੈਂਚਾਈਜੀ ਦਿਵਾਉਣ ਬਦਲੇ ਉਸ ਦੇ ਪਤੀ ਕੋਲੋ ਕਈ ਲੱਖ ਠੱਗ ਲਏ, ਪਰ ਨਾ ਹੀ ਫ੍ਰੈਂਚਾਈਜੀ ਮਿਲੀ ਅਤੇ ਨਾ ਹੀ ਰਕਮ ਵਾਪਿਸ ਮਿਲੀ। ਪੁਲਿਸ ਤੋ ਮਿਲੀ ਜਾਣਕਾਰੀ ਅਨੁਸਾਰ ਸ਼ਹਿਰ ਦੇ ਰਸੂਖਦਾਰ ਪਰਿਵਾਰ ਦੀ ਨੂੰਹ ਅਤੇ ਉਸ ਦੇ ਪਤੀ ਨੇ ਉੱਚ ਪੁਲਿਸ ਅਧਿਕਾਰੀ ਕੋਲ ਲਿਖਤੀ ਦਰਖਾਸਤ ਦੇ ਕੇ ਸ਼ਿਕਾਇਤ ਦਰਜ ਕਰਵਾਈ ਕਿ ਜਨਵਰੀ ਮਹੀਨੇ ਵਿਚ ਉਨਾਂ ਨੇ ਸ਼ੋਸ਼ਲ ਮੀਡੀਆ ’ਤੇ ਡੋਮੀਨੋਜ ਪੀਜਾ ਕੰਪਨੀ ਦੀ ਫਰੈਂਚਾਈਜੀ ਦੀ ਇੱਛਾ ਤਹਿਤ ਸਪੰਰਕ ਕੀਤਾ, ਜਿੱਥੇ ਉਨਾਂ ਨੂੰ ਉਕਤ ਬ੍ਰਾਂਡ ਦੀ ਫਰੈਂਚਾਈਜੀ ਦਿਵਾਉਣ ਦਾ ਭਰੋਸਾ ਦਿਵਾਇਆ ਜਦਕਿ ਇਸ ਦੇ ਇਵਜ ਵਿਚ ਉਨਾਂ ਕੋਲੋ ਭਰੋਸਾ ਲੈ ਕੇ ਸੱਤ ਲੱਖ ਰੁਪੈ ਆਪਣੇ ਖਾਤੇ ਵਿਚ ਪਵਾ ਲਏ, ਪਰ ਬਾਅਦ ਵਿਚ ਅਸਲੀਅਤ ਕੁਝ ਹੋਰ ਨਿਕਲੀ। ਜਿਸ ਤੋ ਬਾਅਦ ਪੀੜਿਤ ਧਿਰ ਨੇ ਕਈ ਵਾਰ ਉਨਾਂ ਨਾਲ ਸਪੰਰਕ ਕਰਨ ਦੀ ਕੋਸ਼ਿਸ ਕੀਤੀ ਪਰ ਬਾਅਦ ਵਿਚ ਉਕਤ ਮਾਮਲੇ ਵਿਚ ਠੱਗੀ ਹੋਣ ਸਬੰਧੀ ਤੱਥ ਸਾਹਮਣੇ ਆਏ। ਪੁਲਿਸ ਨੇ ਪੀੜਿਤ ਦੀ ਸ਼ਿਕਾਇਤ ’ਤੇ ਠੱਗ ਫਹਿਮਿਦ ਵਾਸੀ ਦੇਹਰਾਦੂਨ, ਅਬੁਲ ਕਲਾਮ ਵਾਸੀ ਆਸਾਮ, ਆਰਿਫੁਲ ਹੱਕ ਵਾਸੀ ਕਰੀਮਗੰਜ, ਜੁਬੀਲੈਂਟ ਫੂਡਜ ਨੋਇਡਾ ਅਤੇ ਸੰਤੋਸ ਸਿੰਘ ਖਿਲਾਫ ਵੱਖ ਵੱਖ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।