ਵਾਰਡ ਨੰਬਰ 16 ਵਿਚ ਲੋਕਾਂ ਦੇ ਸੁੱਖ ਦੁੱਖ ਦਾ ਸੀਰੀ ਕੌਂਸਲਰ ਪਿ੍ਰੰਸ ਨੰਦਾ
ਰਾਮਪੁਰਾ ਫੂਲ (ਬਠਿੰਡਾ) 21 ਜੂਨ (ਲੁਭਾਸ ਸਿੰਗਲਾ/ਮਨਮੋਹਨ ਗਰਗ)-
ਰਾਮਪੁਰਾ ਫੂਲ ਨਗਰ ਕੌਂਸਲ ਦੇ ਵਾਰਡ ਨੰਬਰ 16 ਤੋਂ ਕੌਂਸਲਰ ਬਨਣ ਲਈ ਕਈ ਉਮੀਦਵਾਰਾਂ ਵੱਲੋਂ ਦਾਅਵੇਦਾਰੀਆਂ ਜਤਾਈਆ ਜਾ ਰਹੀਆਂ ਹਨ, ਪਰ ਇੱਕ ਵਾਰ ਮੁੜ ਲੋਕਾਂ ਦੀ ਕਚਹਿਰੀ ਵਿਚ ਸਾਬਕਾ ਕੌਂਸਲਰ ਪਿ੍ਰੰਸ ਨੰਦਾ ਵਲੋ ਆਪਣੀ ਚੋਣ ਮੁਹਿੰਮ ਦਾ ਆਗਾਜ ਕਰ ਦਿੱਤਾ ਹੈ। ਜਿਕਰਯੋਗ ਹੈ ਕਿ ਵਾਰਡ ਨੰਬਰ 16 ਪਹਿਲਾ ਔਰਤਾਂ ਲਈ ਰਾਖਵਾਂ ਸੀ ਤੇ ਹੁਣ ਇਹ ਵਾਰਡ ਜਰਨਲ ਕਰ ਦਿੱਤਾ ਗਿਆ ਹੈ। ਇਸ ਵਾਰ ਪਿ੍ਰੰਸ ਨੰਦਾ ਵੱਲੋਂ ਖੁਦ ਵਾਰਡ ਵਾਸੀਆ ਦੀ ਸੇਵਾ ਲਈ ਨਿਤਰਨ ਨੂੰ ਪਹਿਲ ਦਿੰਦਿਆਂ ਲੋਕਾ ਨਾਲ ਰਾਬਤਾ ਕਾਇਮ ਕੀਤਾ ਜਾ ਰਿਹਾ ਹੈ। ਉਨਾਂ ਨੇ ਦੱਸਿਆ ਕਿ ਨੰਦਾ ਪਰਿਵਾਰ ਵੱਲੋਂ ਪਿਛਲੇ ਡੇਢ ਦਹਾਕੇ ਤੋਂ ਵਾਰਡ ਦੇ ਲੋਕਾਂ ਦੀ ਨਿਰੰਤਰ ਸੇਵਾ ਕੀਤੀ ਜਾ ਰਹੀ ਹੈ ਜੋ ਅੱਗੇ ਤੋ ਵੀ ਜਾਰੀ ਰਹੇਗੀ ਜਦਕਿ ਉਨਾ ਦੇ ਪਰਿਵਾਰਿਕ ਮੈਂਬਰ ਦੇ ਕੌਂਸਲਰ ਹੁੰਦਿਆਂ ਵਾਰਡ ਅੰਦਰ ਪੱਕੀਆਂ ਗਲੀਆਂ, ਸਟਰੀਟ ਲਾਈਟਾਂ, ਨਾਲੀਆਂ ਤੇ ਸੀਵਰੇਜ ਸਿਸਟਮ ਦੀ ਸਮੇਂ ਸਮੇਂ ਤੇ ਸਫਾਈ ਕੋਲ ਖੜ ਕੇ ਕਰਵਾਉਂਦੇ ਹਨ। ਦਸਣਯੋਗ ਇਹ ਵੀ ਹੈ ਕਿ ਪਿ੍ਰੰਸ ਨੰਦਾ ਨੂੰ ਵਾਰਡ ਦੇ ਲੋਕਾਂ ਤੋਂ ਮਿਲ ਰਹੇ ਭਰਵੇਂ ਹੁੰਗਾਰੇ ਕਰਕੇ ਅੱਜ ਉਹ ਹਰ ਰਾਜਨੀਤਕ ਪਾਰਟੀ ਦੀ ਪਹਿਲੀ ਪਸੰਦ ਬਣ ਚੁੱਕੇ ਹਨ ਤੇ ਰਾਜਸੀ ਆਗੂਆਂ ਵੱਲੋਂ ਵੀ ਆਪਣੀ ਪਾਰਟੀ ਦੀ ਟਿਕਟ ਦੇਣ ਲਈ ਪਿ੍ਰੰਸ ਨੰਦਾ ਦੇ ਨਾਲ ਸੰਪਰਕ ਕੀਤਾ ਜਾ ਰਿਹਾ ਹੈ।