ਇਲਾਕੇ ਦੇ ਕਈ ਚੌਲ ਮਿੱਲ ਮਾਲਿਕਾਂ ਨੇ ਅਨੌਖੇ ਰੂਪ ਵਿਚ ਮਿੱਲ ਦਾ ਠੇਕਾ ਮੁਕਾਇਆ

ਇਲਾਕੇ ਦੇ ਕਈ ਚੌਲ ਮਿੱਲ ਮਾਲਿਕਾਂ ਨੇ ਅਨੌਖੇ ਰੂਪ ਵਿਚ ਮਿੱਲ ਦਾ ਠੇਕਾ ਮੁਕਾਇਆ
7ਡੇਅ ਨਿਊਜ ਸਰਵਿਸ
ਤਪਾ ਮੰਡੀ (ਬਰਨਾਲਾ) : ਚੌਲ ਉਦਯੋਗ ਦੇ ਕਾਰੋਬਾਰ ਵਿਚ ਖਾਸੀ ਡਾਹਢੀ ਪ੍ਰਸਿੱਧੀ ਖੱਟਣ ਵਾਲੇ ਤਪਾ ਸ਼ਹਿਰ ਦੇ ਚੌਲ ਮਿੱਲਾਂ ਦੇ ਮਾਲਿਕਾਂ ਨੇ ਤਪਾ ਸਣੇ ਸਰਹੱਦੀ ਇਲਾਕੇ ਅੰਦਰ ਵੀ ਦਰਜਣਾਂ ਮਿੱਲਾਂ ਉਸਾਰੀਆ ਹਨ। ਜਿਸ ਕਾਰਨ ਇਥੋ ਦੀਆ ਮਿੱਲਾਂ ਦੇ ਠੇਕੇ ’ਤੇ ਗਹਿਰਾ ਪ੍ਰਭਾਵ ਵਿਖਾਈ ਦੇਣ ਲੱਗ ਪਿਆ ਹੈ, ਭਾਵੇਂ ਪਿਛਲੇ ਸਾਲ ਤੋ ਪਹਿਲਾ ਇਸ ਸ਼ਹਿਰ ਅੰਦਰ ਮਹਿਜ ਅੱਧੀ ਦਰਜਣ ਤੋ ਵੀ ਘੱਟ ਮਿੱਲਾਂ ਠੇਕੇ ’ਤੇ ਚਲਦੀਆ ਸਨ ਕਿਉਕਿ ਸਮੁੱਚੀਆ ਮਿੱਲਾਂ ਨੂੰ ਚਲਾਉਣ ਤੋ ਲੈ ਕੇ ਦੇਖ ਰੇਖ ਦਾ ਜੁੰਮਾਂ ਖੁਦ ਮਿੱਲ ਮਾਲਿਕ ਉਠਾਉਦੇ ਸਨ ਅਤੇ ਸਰਹੱਦੀ ਇਲਾਕਿਆਂ ਤੋ ਝੋਨਾ ਇਥੋ ਆਰ.ਓ (ਰਿਲੀਜਡ ਆਰਡਰ) ਰਾਹੀ ਲਿਆਉਣ ਦੀਆ ਗੁੰਦਾਂ ਵੀ ਲੰਬਾਂ ਸਮਾਂ ਪਹਿਲਾ ਹੀ ਮਿੱਲ ਮਾਲਿਕ ਗੁੰਦਣੀਆ ਸ਼ੁਰੂ ਕਰ ਦਿੰਦੇ ਸਨ ਪਰ ਇਸ ਵਾਰ ਹਾਲਾਤਾਂ ਵਿਚ ਵਿਭੰਨਤਾ ਵਿਖਾਈ ਦੇ ਰਹੀ ਹੈ। ਜਿਸ ਦਾ ਪ੍ਰਮੁੱਖ ਕਾਰਨ ਸਰਹੱਦੀ ਇਲਾਕਿਆਂ ਅੰਦਰ ਵੱਡੀ ਪੱਧਰ ’ਤੇ ਸਰਕਾਰ ਦੀਆ ਰਿਆਇਤਾਂ ਕਾਰਨ ਉਸਰੀਆ ਮਿੱਲਾਂ ਤੋ ਬਾਅਦ ਇਹ ਖਦਸ਼ਾ ਮਿੱਲਰ ਜਾਹਿਰ ਕਰਨ ਲੱਗ ਪਏ ਹਨ ਕਿ ਇਸ ਵਾਰ ਆਰ.ਓ ਵਾਲੇ ਝੋਨੇ ਵਿਚ ਵੱਡੇ ਕੱਟ ਲੱਗਣ ਦਾ ਅਨੁਮਾਨ ਹੈ। ਜਿਸ ਕਾਰਨ ਇਧਰ ਘੱਟ ਗੱਡੀਆ ਦਾ ਕੰਮ ਹੋਵੇਗਾ ਕਿਉਕਿ ਉਥੋ ਦਾ ਝੋਨਾ ਉਥੇ ਹੀ ਸਿਮਟ ਜਾਵੇਗਾ ਜਦਕਿ ਮਾਲਵੇ ਦੀ ਇਸ ਬੈਲਟ ਅੰਦਰ ਪਹਿਲਾ ਹੀ 50ਫੀਸਦੀ ਝੋਨੇ ਦਾ ਕੱਟ ਹੈ ਅਤੇ ਇਕ ਟਨ ਵਾਲੀ ਮਿੱਲ ਨੂੰ 45 ਕੁ ਗੱਡੀਆ ਦਾ ਕੰਮ ਰਹਿ ਗਿਆ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਪਹਿਲੀ ਵਾਰ ਇਕ ਵੱਖਰੇ ਤਰਾਂ ਦੇ ਠੇਕੇ ਹੋਣ ਦੀ ਕਨਸੋਆਂ ਸਾਹਮਣੇ ਆ ਰਹੀਆ ਹਨ। ਜਿਸ ਵਿਚ ਉੱਕੇ ਪੁੱਕੇ ਠੇਕੇ ਦੀ ਥਾਂ ਇਕ ਮਿੱਲਰ ਨੇ 40 ਹਜਾਰ ਰੁਪੈ ਦੇ ਕਰੀਬ ਪ੍ਰਤੀ ਗੱਡੀ ਠੇਕਾ ਆਪਣੀ ਮਿੱਲ ਦਾ ਠੇਕੇ ਦੀ ਪਾਰਟੀ ਨਾਲ ਤੈਅ ਕੀਤਾ ਹੈ ਕਿਉਕਿ ਠੇਕੇ ’ਤੇ ਲੈਣ ਵਾਲੀ ਧਿਰ ਨੇ ਖਦਸ਼ਾ ਜਾਹਿਰ ਕੀਤਾ ਸੀ ਕਿ ਜੇਕਰ ਆਰ.ਓ ਵਾਲਾ ਝੋਨਾ ਨਾ ਮਿਲਿਆ ਤਦ ਮਿੱਲ ਦਾ ਕੰਮ ਪ੍ਰਭਾਵਿਤ ਹੋਵੇਗਾ ਜਦਕਿ ਇਹ ਵੀ ਵੇਖਣ ਨੂੰ ਮਿਲਿਆ ਹੈ ਕਿ ਸਰਹੱਦੀ ਜਿਲੇਂ ਵਾਲੇ ਮਿੱਲਰਾਂ ਨੇ ਪਹਿਲੀ ਵਾਰ ਆਪਣੇ ਰਿਸਤੇਦਾਰਾਂ ਜਾਂ ਜਾਣ ਪਹਿਚਾਣ ਵਾਲੀਆ ਧਿਰਾਂ ਨਾਲ ਹਿੱਸੇ ’ਤੇ ਜਾਂ ਫੇਰ ਪ੍ਰਤੀ ਗੱਡੀ ਠੇਕਾ ਮੁੱਕਾ ਕੇ ਉਨਾਂ ਨੂੰ ਮਿੱਲਾਂ ਸਭਾ ਦਿੱਤੀਆ ਹਨ।