ਰਾਮਪੁਰਾ ਫੂਲ ਰਾਇਸ ਮਿੱਲਰਜ ਐਸੋਸੀਏਸਨ ਨੇ ਕੇਂਦਰ ਸਰਕਾਰ ਅਤੇ ਐਫ.ਸੀ.ਆਈ ਦੀਆ ਉਦਯੋਗ ਮਾਰੂ ਨੀਤੀਆ ਕਾਰਨ ਅਣਮਿੱਥੇ ਸਮੇਂ ਲਈ ਹੜਤਾਲ ਕੀਤੀ
ਰਾਮਪੁਰਾ ਫੂਲ (ਬਠਿੰਡਾ) 9 ਅਕਤੂਬਰ (ਲੁਭਾਸ਼ ਸਿੰਗਲਾ/ਮਨਮੋਹਨ ਗਰਗ/ਗੁਰਪ੍ਰੀਤ ਸਿੰਘ):- ਰਾਮਪੁਰਾ ਫੂਲ ਰਾਇਸ ਮਿੱਲਰਜ ਐਸੋਸੀਏਸਨ ਦੀ ਇਕ ਹੰਗਾਮੀ ਮੀਟਿੰਗ ਪ੍ਰਧਾਨ ਮਨਵੀਰ ਸਿੰਘ ਢਿੱਲੋਂ ਦੀ ਅਗਵਾਈ ਹੇਠ ਹੋਈ। ਜਿਸ ਵਿਚ ਇਲਾਕੇ ਭਰ ਦੇ ਚੋਲ ਉਦਯੋਗ ਨਾਲ ਜੁੜੇ ਕਾਰੋਬਾਰੀਆਂ ਨੇ ਹਿੱਸਾ ਲਿਆ ਅਤੇ ਅਣਮਿੱਥੇ ਸਮੇਂ ਲਈ ਹੜਤਾਲ ਦਾ ਐਲਾਣ ਕੀਤਾ। ਮੀਟਿੰਗ ਵਿਚ ਮਨਵੀਰ ਸਿੰਘ ਢਿਲੋ ਨੇ ਬੋਲਦਿਆਂ ਕਿਹਾ ਕਿ ਕੇਂਦਰ ਸਰਕਾਰ ਦੀਆ ਉਦਯੋਗ ਮਾਰੂ ਨੀਤੀਆ ਕਾਰਨ ਅੱਜ ਚੋਲ ਉਦਯੋਗ ਤਬਾਹੀ ਦੇ ਕੰਢੇ ’ਤੇ ਪੁੱਜ ਗਿਆ ਹੈ ਕਿਉਕਿ ਸ਼ੈਲਰ ਉਦਯੋਗ ਨਾਲ ਜੁੜੇ ਕਾਰੋਬਾਰੀਆਂ ਦੇ ਪੱਲੇ ਉਹ ਗਲਤੀਆਂ ਪਾਈਆ ਜਾ ਰਹੀਆ ਹਨ, ਜਿਹੜੀਆਂ ਨਾਲ ਉਨਾਂ ਦਾ ਦੂਰ ਦਾ ਸਾਰੋਕਾਰ ਵੀ ਨਹੀ।
ਪ੍ਰਧਾਨ ਢਿਲੋ ਨੇ ਕਿਹਾ ਕਿ ਕੇਂਦਰ ਸਰਕਾਰ ਅਤੇ ਭਾਰਤੀ ਖਾਧ ਨਿਗਮ (ਐਫ.ਸੀ.ਆਈ) ਦੀਆ ਹਦਾਇਤਾਂ ਤਹਿਤ ਹੀ ਮਿੱਲ ਮਾਲਿਕ ਫੋਰਟਾਫਾਈਡ ਚੋਲ ਦੀ ਖਰੀਦ ਸਰਕਾਰ ਤੋ ਮਨਜੂਰਸ਼ੁਦਾ ਵਿਅਕਤੀਆਂ ਤੋ ਕੀਤੀ ਜਾਂਦੀ ਹੈ। ਜਿਸ ਨੂੰ ਸਰਕਾਰੀ ਹਦਾਇਤਾਂ ਅਨੁਸਾਰ ਚੋਲਾਂ ਵਿਚ ਮਿਲਾ ਕੇ ਸਰਕਾਰ ਨੂੰ ਦਿੱਤਾ ਜਾਂਦਾ ਹੈ, ਪਰ ਅਫਸੋਸ ਬੀਤੇ ਸਮੇਂ ਤੋ ਐਫ.ਸੀ.ਆਈ ਉਕਤ ਐਫ.ਆਰ.ਕੇ ਲਈ ਵੀ ਮਿੱਲਰਾਂ ਨੂੰ ਜੁੰਮੇਵਾਰ ਦਰਸਾ ਕੇ ਸੈਂਪਲ ਫੇਲ ਕਰ ਰਹੀ ਹੈ। ਜਿਸ ਨਾਲ ਚੋਲ ਉਦਯੋਗ ਤਬਾਹੀ ਦੇ ਕੰਢੇ ’ਤੇ ਪੁੱਜ ਗਿਆ ਹੈ। ਢਿਲੋ ਨੇ ਸਪੱਸਟ ਸ਼ਬਦਾਂ ਵਿਚ ਕਿਹਾ ਕਿ ਐਫ.ਸੀ.ਆਈ ਜਾਂ ਤਾ ਪਹਿਲਾ ਵਾਂਗ ਬਿਨਾਂ ਫੋਰਟੀਫਾਇਡ ਤੋ ਚੋਲ ਲਵੇ ਜਾਂ ਫੇਰ ਇਸ ਲਈ ਸਾਨੂੰ ਜੁੰਮੇਵਾਰ ਨਾ ਬਣਾਇਆ ਜਾਵੇ। ਉਨਾਂ ਇਹ ਵੀ ਕਿਹਾ ਕਿ ਸਮੁੱਚੇ ਮਿੱਲਰਾਂ ਦੀ ਰਾਇ ਨਾਲ ਕੀਤੀ ਹੜਤਾਲ ਵਿਚ ਕੋਈ ਵੀ ਮਿੱਲ ਮਾਲਿਕ ਨਾ ਹੀ ਖਰੀਦ ਕੇਂਦਰਾਂ ਵਿਚ ਝੋਨਾ ਚੁਕੇਗਾ ਅਤੇ ਨਾ ਹੀ ਆਰ.ਓ ਰਾਹੀ ਸਰਹੱਦੀ ਏਰੀਏ ਤੋ ਝੋਨੇ ਨੂੰ ਮੰਗਾਵੇਗਾ, ਪਰ ਫੇਰ ਵੀ ਜੇਕਰ ਕੋਈ ਮਿੱਲ ਮਾਲਕ ਹੜਤਾਲ ਦੀ ਉਲੰਘਣਾ ਕਰੇਗਾ ਤਦ ਉਸ ਨੂੰ ਭਾਈਚਾਰੇ ਵਿਚੋ ਬਾਹਰ ਕਰਨ ਦੇ ਨਾਲ ਉਸ ਦੇ ਦਰਾਂ ’ਤੇ ਧਰਨਾ ਵੀ ਦਿੱਤਾ ਜਾਵੇਗਾ। ਇਸ ਮੌਕੇ ਇਸ ਮੌਕੇ ਬਿਕਰਮਜੀਤ ਬਿੱਕਾ, ਸੁਨੀਲ ਕੁਮਾਰ ਸੀਲਾ, ਮੋਂਟੀ ਗੋਇਲ, ਯੋਗੇਸ ਸਿੰਗਲਾ, ਪਰਸੋਤਮ ਲਾਲ, ਗੁਰਤੇਜ ਸਰਮਾ, ਲੱਕੀ, ਭਾਰਤ ਭੂਸਨ ਬਿੱਟੂ, ਬਿੱਟੂ ਲਹਿਰੇ ਵਾਲਾ, ਕੇਵਲ ਬਾਂਸਲ, ਭੂਸਨ ਮਿੱਤਲ, ਅਮਿਤ ਗਰਗ ਆਦਿ ਵੱਡੀ ਗਿਣਤੀ ਵਿਚ ਮਿੱਲ ਮਾਲਿਕ ਹਾਜਰ ਸਨ।