ਬੀਬੀ ਬਾਲੀਆ ਨੇ ਖਰੀਦ ਕੇਂਦਰਾਂ ਅੰਦਰ ਝੋਨੇ ਦੀ ਖਰੀਦ ਲਈ ਰੁਲ ਰਹੇ ਕਿਸਾਨਾਂ ਦੇ ਹੱਕ ਵਿਚ ਡੱਟਣ ਲਈ ਕਾਂਗਰਸੀਆਂ ਨੂੰ ਅਪੀਲ ਕੀਤੀ,

ਬੀਬੀ ਬਾਲੀਆ ਨੇ ਖਰੀਦ ਕੇਂਦਰਾਂ ਅੰਦਰ ਝੋਨੇ ਦੀ ਖਰੀਦ ਲਈ ਰੁਲ ਰਹੇ ਕਿਸਾਨਾਂ ਦੇ ਹੱਕ ਵਿਚ ਡੱਟਣ ਲਈ ਕਾਂਗਰਸੀਆਂ ਨੂੰ ਅਪੀਲ ਕੀਤੀ
ਹਲਕਾ ਭਦੌੜ ਦੇ ਹਰੇਕ ਕਾਂਗਰਸੀ ਵਰਕਰ ਦੇ ਦਰਾਂ ’ਤੇ ਦਸਤਕ ਦੇ ਕੇ ਪਾਰਟੀ ਦੀ ਮਜਬੂਤੀ ਲਈ ਕੰਮ ਕਰਾਂਗੀ-ਬੀਬੀ ਬਾਲੀਆ
ਤਪਾ ਮੰਡੀ 20 ਅਕਤੂਬਰ (ਲੁਭਾਸ਼ ਸਿੰਗਲਾ/ਰੋਹਿਤ ਸਿੰਗਲਾ) :- ਪੰਜਾਬ ਕਾਂਗਰਸ ਦੀ ਮਹਿਲਾ ਵਿੰਗ ਆਗੂ ਅਤੇ ਹਲਕਾ ਭਦੌੜ ਅੰਦਰ ਕਾਂਗਰਸ ਦੀ ਕਈ ਵਰਿਆਂ ਤੱਕ ਪ੍ਰਤੀਨਿਧਤਾ ਕਰਨ ਵਾਲੀ ਸੀਨੀਅਰ ਕਾਂਗਰਸ ਆਗੂ ਬੀਬੀ ਸੁਰਿੰਦਰ ਕੌਰ ਬਾਲੀਆ ਨੇ ਟਕਸਾਲੀ ਕਾਂਗਰਸ ਆਗੂ ਨਰਿੰਦਰ ਕੁਮਾਰ ਨਿੰਦੀ ਸਾਬਕਾ ਸ਼ਹਿਰੀ ਪ੍ਰਧਾਨ ਦੇ ਗ੍ਰਹਿ ਵਿਖੇ ਇਕ ਧਾਰਮਿਕ ਸਮਾਗਮ ਵਿਚ ਸ਼ਿਰਕਤ ਕਰਨ ਉਪਰੰਤ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਸੂਬੇ ਅੰਦਰਲੀਆ ਮੰਡੀਆਂ ਅੰਦਰ ਕਿਸਾਨ, ਮਜਦੂਰ, ਵਪਾਰੀ ਸਣੇ ਸਮੁੱਚੀਆ ਧਿਰਾਂ ਅੱਜ ਝੋਨੇ ਦੀ ਖਰੀਦ ਨੂੰੂ ਲੈ ਕੇ ਖੱਜਲ ਖੁਆਰ ਹੋ ਰਹੀਆ ਹਨ। ਜਿਸ ਲਈ ਪੂਰੀ ਤਰਾਂ ਭਗਵੰਤ ਮਾਨ ਮੁੱਖ ਮੰਤਰੀ ਦੀ ਅਗਵਾਈ ਵਾਲੀ ਸਰਕਾਰ ਜੁੰਮੇਵਾਰ ਹੈ। ਬੀਬੀ ਬਾਲੀਆਂ ਨੇ ਅੱਗੇ ਬੋਲਦਿਆਂ ਕਿਹਾ ਕਿ ਸਰਕਾਰ ਦੀ ਜਿਣਸ ਖਰੀਦ ਦੀ ਮਾੜੀ ਕਾਰੁਗਜਾਰੀ ਖਿਲਾਫ ਕਾਂਗਰਸ ਪਾਰਟੀ ਦੇ ਆਗੂ ਅਤੇ ਵਰਕਰ ਮੰਡੀਆਂ ਵਿਚ ਪੁੱਜ ਕੇ ਕਿਸਾਨਾਂ ਦੀ ਹਰ ਸੰਭਵ ਹਮਾਇਤ ਕਰਨ ਦੇ ਨਾਲੋ ਨਾਲ ਸਰਕਾਰ ਖਿਲਾਫ ਵੀ ਰੋਸ ਪ੍ਰਦਰਸ਼ਨ ਕਰਨਗੇ ਤਾਂ ਜੋ ਖਰੀਦ ਨੂੰ ਯਕੀਨੀ ਬਣਾਇਆ ਜਾ ਸਕੇ। ਉਨਾਂ ਕਿਹਾ ਕਿ ਆਉਦੀਆ ਲੋਕ ਸਭਾ ਚੋਣਾਂ ਲਈ ਹਲਕਾ ਭਦੌੜ ਦੇ ਕਾਂਗਰਸੀ ਵਰਕਰਾਂ ਦੇ ਦਰਾਂ ’ਤੇ ਦਸਤਕ ਦੇ ਕੇ ਪਾਰਟੀ ਦੀਆ ਨੀਤੀਆ ਨੂੰ ਘਰ-2 ਪਹੁੰਚਾਉਣ ਦਾ ਸੱਦਾ ਦੇਣਗੇ ਕਿਉਕਿ ਹਲਕਾ ਭਦੌੜ ਨਾਲ ਇਕ ਭਾਵਨਾਤਮਕ ਅਤੇ ਪਰਿਵਾਰਿਕ ਸਬੰਧ ਹੈ ਅਤੇ ਉਨਾਂ ਆਪਣੇ ਰਾਜਸੀ ਸਫਰ ਦੌਰਾਨ ਹਮੇਸ਼ਾਂ ਪਾਰਟੀ ਦੇ ਵਰਕਰ ਨਾਲ ਖੜਣ ਨੂੰ ਤਵੱਜੋ ਦਿੱਤੀ ਹੈ। ਬੀਬੀ ਬਾਲੀਆਂ ਨੇ ਅੱਗੇ ਕਿਹਾ ਕਿ ਅਕਾਲੀ ਦਲ ਇਕ ਬੀਤੇ ਸਮੇਂ ਦੀ ਪਾਰਟੀ ਵਜੋ ਜਾਣੀ ਜਾਵੇਗੀ ਕਿਉਕਿ ਪਾਰਟੀ ਅੰਦਰੋ ਜਿਸ ਤਰਾਂ ਸਾਫ ਸੁਥਰੀ ਦਿੱਖ ਵਾਲੇ ਆਗੂ ਬਾਹਰ ਜਾ ਰਹੇ ਹਨ, ਉਸ ਤੋ ਜਾਪ ਰਿਹਾ ਹੈ ਕਿ ਕੁਝ ਸਮੇਂ ਅੰਦਰ ਪਾਰਟੀ ਖਾਲੀ ਹੋ ਜਾਵੇਗੀ। ਉਨਾਂ ਆਪ ਪਾਰਟੀ ’ਤੇ ਵੀ ਸਿਆਸੀ ਵਿੰਗ ਕੱਸਦਿਆਂ ਕਿਹਾ ਕਿ ਅਨੇਕਾਂ ਗਾਰੰਟੀਆਂ ਦੇਣ ਵਾਲੇ ਕੇਜਰੀਵਾਲ ਅਤੇ ਭਗਵੰਤ ਮਾਨ ਤੋ ਇਕ ਵੀ ਗਾਰੰਟੀ ਪੂਰੀ ਨਹੀ ਹੋਈ, ਝੂਠ ਬੋਲਣ ਅਤੇ ਗਾਰੰਟੀਆਂ ਦੇਣ ਵਿਚ ਮਸ਼ਹੂਰ ਆਪ ਸਰਕਾਰ ਵੱਲੋ ਝੂਠੇੇ ਅਤੇ ਮਨਘੜਤ ਬਿਆਨਾਂ ਰਾਹੀ ਹਜਾਰਾਂ ਨੌਜਵਾਨਾਂ ਨੂੰ ਨੌਕਰੀ ਦੇਣ ਦੇ ਦਾਅਵੇ ਕੀਤੇ ਜਾ ਰਹੇ ਹਨ ਪਰ ਇਹ ਸਭ ਝੂਠ ਤੋ ਸਿਵਾਏ ਕੁਝ ਵੀ ਨਹੀ ਕਿਉਕਿ ਅਨੇਕਾਂ ਸੜਕਾਂ ਅਤੇ ਚੁਰਾਹੇ ਅਕਸਰ ਪੜੇ ਲਿਖੇ ਬੇਰੁਜਗਾਰ ਨੌਜਵਾਨਾਂ ਵੱਲੋ ਧਰਨੇ ਮੁਜਾਹਰੇ ਦੇ ਰੁਪ ਵਿਚ ਮੱਲੇ ਹੋਏ ਵਿਖਾਈ ਦਿੰਦੇ ਹਨ। ਉਨਾਂ ਕਾਂਗਰਸੀ ਵਰਕਰਾਂ ਨੂੰ ਸਿਆਸੀ ਅਤੇ ਸਮਾਜਿਕ ਤੌਰ ’ਤੇ ਹੋਰ ਵੀ ਮਜਬੂਤ ਹੋ ਕੇ ਸਿਆਸੀ ਪਿੜ ਵਿਚ ਉਤਰਣ ਦੀ ਅਪੀਲ ਕੀਤੀ ਤਾਂ ਜੋ ਆਉਦੀਆ 2024 ਦੀਆ ਚੋਣਾਂ ਵਿਚ ਵੱਡੀ ਜਿੱਤ ਦਰਜ ਕਰਕੇ ਪਾਰਟੀ ਦੀ ਝੋਲੀ ਪਾਈ ਜਾ ਸਕੇ। ਉਨਾਂ ਅੰਤ ਵਿਚ ਇਕ ਸਵਾਲ ਦੇ ਜਵਾਬ ਵਿਚ ਕਿਹਾ ਕਿ ਪਾਰਟੀ ਦਾ ਹਰ ਫੈਸਲਾ ਅਤੇ ਹੁਕਮ ਸਿਰ ਮੱਥੇ ਪ੍ਰਵਾਨ ਕੀਤਾ ਜਾਵੇਗਾ। ਇਸ ਮੌਕੇ ਯੁਵੀ ਮਿੱਤਲ, ਕੈਲਾਸ਼, ਸੋਨੂੰ ਸਣੇ ਵਿਨੋਦ ਕੁਮਾਰ ਗੋਗੀ, ਸੁਰੇਸ਼ ਚੰਦੇਲ, ਨਾਜ ਸਿੰਗਲਾ, ਸੁਖਵਿੰਦਰ ਸਿੰਘ ਮਹਿਤਾ, ਗੁਰਨਾਮ ਸਿੰਘ ਸਾਬਕਾ ਸਰਪੰਚ ਢਿਲਵਾਂ, ਯਾਦਵਿੰਦਰ ਸਿੰਘ ਚੱਠਾ ਸਦੇ ਵੱਡੀ ਗਿਣਤੀ ਵਿਚ ਪਾਰਟੀ ਵਰਕਰ ਅਤੇ ਸ਼ਹਿਰੀਆਂ ਨੇ ਕਾਂਗਰਸ ਆਗੂ ਨਿੰਦੀ ਮਿੱਤਲ ਦੇ ਗ੍ਰਹਿ ਵਿਖੇ ਧਾਰਮਿਕ ਸਮਾਗਮ ਵਿਚ ਹਾਜਰੀ ਭਰੀ।