ਬਠਿੰਡਾ ਯੂਥ ਕਾਂਗਰਸ ਦਿਹਾਤੀ ਨੇ ਨਵਜੋਤ ਸਿੱਧੂ ਨੂੰ ਕੋਟਸ਼ਮੀਰ ਵਿਚਲੇ ਸਮਾਗਮ ਤੋ ਪਾਸਾ ਵੱਟਣ ਦੀ ਸਲਾਹ ਦਿੱਤੀ
ਸਿੱਧੂ ਪਾਰਟੀ ਅਨੁਸ਼ਾਸਨ ਨੂੰ ਧਿਆਨ ’ਚ ਰੱਖਦਿਆਂ ਕਾਂਗਰਸ ਦੇ ਉਲੀਕਮੇ ਸਮਾਗਮਾਂ ਵਿਚ ਹਿੱਸਾ ਲੈਣ-ਲਖਵਿੰਦਰ ਲੱਕੀ
ਬਠਿੰਡਾ 4 ਜਨਵਰੀ (ਲੁਭਾਸ਼ ਸਿੰਗਲਾ/ਮਨਮੋਹਨ ਗਰਗ/ਗੁਰਪ੍ਰੀਤ ਸਿੰਘ) :- ਪੰਜਾਬ ਦੇ ਕਾਂਗਰਸ ਆਗੂਆਂ ਨੂੰ ਪਾਰਟੀ ਦੀ ਚੜਦੀ ਕਲਾ ਅਤੇ ਬਿਹਤਰੀ ਲਈ ਕੰਮ ਕਰਨ ਦੀ ਲੋੜ ਹੈ ਤਾਂ ਜੋ ਇਕਜੁੱਟ ਹੋ ਕੇ ਆਉਦੀਆ ਲੋਕ ਸਭਾ ਚੋਣਾਂ ਵਿਚ ਪੰਜਾਬ ਅੰਦਰ ਕਾਂਗਰਸ ਹੂੰਝਾ ਫੇਰ ਜਿੱਤ ਪ੍ਰਾਪਤ ਕਰ ਸਕੇ ਜਦਕਿ ਬਠਿੰਡਾ ਜਿਲੇਂ ਦੇ ਪਿੰਡ ਕੋਟਸ਼ਮੀਰ ਅੰਦਰ ਪਾਰਟੀ ਦੇ ਸਾਬਕਾ ਸੂਬਾ ਪ੍ਰਧਾਨ ਅਤੇ ਸਾਬਕਾ ਕੈਬਨਿਟ ਮੰਤਰੀ ਨਵਜੋਤ ਸਿੰਘ ਸਿੱਧੂ ਨੂੰ ਕਿਸੇ ਪ੍ਰਕਾਰ ਦਾ ਕੋਈ ਸਮਾਗਮ ਨਹੀ ਕਰਨਾ ਚਾਹੀਦਾ ਕਿਉਕਿ ਅਜਿਹੀਆ ਕਾਰਵਾਈਆ ਨਾਲ ਪਾਰਟੀ ਨੂੰ ਸਿਆਸੀ ਤੌਰ ’ਤੇ ਢਾਹ ਲੱਗਦੀ ਹੈ। ਇਨਾਂ ਸ਼ਬਦਾਂ ਦਾ ਪ੍ਰਗਟਾਵਾ ਜਿਲਾ ਯੂਥ ਕਾਂਗਰਸ ਦਿਹਾਤੀ ਦੇ ਪ੍ਰਧਾਨ ਲਖਵਿੰਦਰ ਸਿੰਘ ਲੱਕੀ ਨੇ ਕੋਟਸ਼ਮੀਰ ਵਿਚਲੇ ਸਮਾਗਮ ਸਬੰਧੀ ਆਪਣੀ ਪ੍ਰਤੀ�ਿਆ ਦਿੰਦਿਆਂ ਪ੍ਰਗਟ ਕੀਤੇ। ਜਿਲਾ ਪ੍ਰਧਾਨ ਲੱਕੀ ਨੇ ਅੱਗੇ ਬੋਲਦਿਆਂ ਕਿਹਾ ਕਿ ਪਿਛਲੀ ਵਾਰ ਵੀ ਨਵਜੋਤ ਸਿੰਘ ਸਿੱਧੂ ਵੱਲੋ ਲਗਾਤਾਰ ਆਪਣੀ ਹੀ ਪਾਰਟੀ ਦੇ ਆਗੂਆਂ ਖਿਲਾਫ ਤੰਜ ਕੱਸੇ ਗਏ। ਜਿਸ ਤੋ ਬਾਅਦ ਸੂਬੇ ਅੰਦਰ ਕਾਂਗਰਸ ਸਰਕਾਰ ਅਤੇ ਪਾਰਟੀ ਨੂੰ ਸਿਆਸੀ ਤੌਰ ’ਤੇ ਕਾਫੀ ਠੇਸ ਲੱਗੀ ਅਤੇ ਸਿਆਸੀ ਤੌਰ ’ਤੇ 2022 ਦੀਆ ਚੋਣਾਂ ਵਿਚ ਨੁਕਸਾਨ ਹੋਇਆ ਜਦਕਿ ਹੁਣ ਸਿੱਧੂ ਨੂੰ ਪਾਰਟੀ ਹਾਈਕਮਾਂਡ ਦੇ ਆਦੇਸ਼ਾਂ ਤਹਿਤ ਪਾਰਟੀ ਦੇ ਉਲੀਕੇ ਸਮਾਗਮਾਂ ਵਿਚ ਹੀ ਹਿੱਸਾ ਲੈਣਾ ਚਾਹੀਦਾ ਹੈ। ਉਨਾਂ ਪਾਰਟੀ ਦੇ ਇਕ ਧੜੇ ਵੱਲੋ ਉਕਤ ਪ੍ਰੋਗਰਾਮ ਨੂੰ ਉਲੀਕੇ ਜਾਣ ਸਬੰਧੀ ਜਵਾਬ ਦਿੰਦੇ ਕਿਹਾ ਕਿ ਕਾਂਗਰਸ ਨੇ ਇਨਾਂ ਸਭ ਆਗੂਆਂ ਨੂੰ ਸਮੇਂ-2 ’ਤੇ ਅਹੁਦੇਦਾਰੀਆਂ ਦਿੱਤੀਆ ਹਨ ਪਰ ਅਫਸੋਸ ਕੁਝ ਆਗੂ ਆਪਣੀ ਸ਼ਖ ਨੂੰ ਵਧਾਉਣ ਦੇ ਚੱਕਰ ਵਿਚ ਪਾਰਟੀ ਦੀ ਸ਼ਾਖ ਨੂੰ ਧੱਕਾ ਲਗਾ ਰਹੇ ਹਨ। ਜਿਨਾਂ ਵਿਚੋ ਕੁਝ ਪਹਿਲਾ ਹੀ ਪਾਰਟੀ ਵਿਰੋਧੀਆਂ ਕਾਰਵਾਈਆ ਕਾਰਨ ਚਰਚਾ ਵਿਚ ਹਨ ਜਦਕਿ ਰਹਿੰਦਿਆਂ ਨੂੰ ਪਾਰਟੀ ਹਾਈਕਮਾਂਡ ਤੋ ਯੂਥ ਕਾਂਗਰਸ ਵੱਲੋ ਮੰਗ ਕੀਤੀ ਜਾਵੇਗੀ ਕਿ ਉਨਾਂ ਨੂੰ ਬਾਹਰਲਾ ਰਾਹ ਵਿਖਾ ਦਿੱਤਾ ਜਾਵੇ ਤਾਂ ਜੋ ਪਾਰਟੀ ਅੰਦਰ ਅਨੁਸ਼ਾਸਨ ਦੀ ਭਾਵਨਾ ਬਣੀ ਰਹੇ। ਯੂਥ ਪ੍ਰਧਾਨ ਲੱਕੀ ਨੇ ਅੱਗੇ ਕਿਹਾ ਕਿ ਕਾਂਗਰਸ ਇਸ ਵੇਲੇ ਸੂਬੇ ਦੀਆ ਮੰਗਾਂ ਅਤੇ ਮੁਸ਼ਕਿਲਾਵਾਂ ਲਈ ਸਰਕਾਰ ਨੂੰ ਹਰੇਕ ਫਰੰਟ ’ਤੇ ਘੇਰ ਰਹੀ ਹੈ। ਜਿਸ ਕਾਰਨ ਲੋਕਾਂ ਦੀ ਪਹਿਲੀ ਪਸੰਦੀਦਾ ਸਿਆਸੀ ਪਾਰਟੀ ਵਜੋ ਕਾਂਗਰਸ ਨੂੰ ਵੇਖਿਆ ਜਾ ਰਿਹਾ ਹੈ, ਜੋ ਆਉਦੀਆ ਆਮ ਚੋਣਾਂ ਵਿਚ ਪੰਜਾਬ ਅੰਦਰ ਵੱਡੀ ਜਿੱਤ ਦਰਜ ਕਰਨਗੇ। ਇਸ ਮੋਕੇ ਪਾਰਟੀ ਵਰਕਰ ਹਾਜਰ ਸਨ।