ਸਾਬਕਾ ਚੇਅਰਮੈਨ ਰਣਦੀਪ ਸਿੰਘ ਢਿੱਲੋਂ ਨੂੰ ਯੂਥ ਵਿੰਗ ਦਾ ਸੂਬਾ ਮੀਤ ਪ੍ਰਧਾਨ ਬਣਨ ਤੇ ਕੀਤਾ ਸਨਮਾਨਿਤ
ਤਪਾ ਮੰਡੀ 12 ਜੂਨ (ਲੁਭਾਸ਼ ਸਿੰਗਲਾ) : ਪੰਚਾਇਤ ਸੰਮਤੀ ਸ਼ਹਿਣਾ ਦੇ ਸਾਬਕਾ ਚੇਅਰਮੈਨ ਅਤੇ ਯੂਥ ਅਕਾਲੀ ਦਲ ਵੱਲੋ ਸੂਬਾ ਮੀਤ ਪ੍ਰਧਾਨ ਦੀ ਨਵੀ ਦਿੱਤੀ ਜੁੰਮੇਵਾਰੀ ਵਾਲੇ ਪਾਰਟੀ ਆਗੂ ਰਣਦੀਪ ਸਿੰਘ ਢਿਲੋ ਨੂੰ ਪਿੰਡ ਢਿਲਵਾਂ ਨਾਭਾ ਦੀ ਗ੍ਰਾਮ ਪੰਚਾਇਤ, ਗੁਰੂ ਘਰ ਦੀ ਪ੍ਰਬੰਧਕ ਕਮੇਟੀ ਅਤੇ ਪਿੰਡ ਵਾਸੀਆਂ ਵੱਲੋ ਇਕਠੇ ਹੋ ਕੇ ਸਿਰਪਾਓ ਪਾ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੋਕੇ ਪੰਚਾਇਤ ਦੀ ਸਰਪੰਚ ਸੁਖਵਿੰਦਰ ਕੌਰ ਦੇ ਪਤੀ ਗੁਰਜੰਟ ਸਿੰਘ ਢਿਲਵਾਂ ਸਾਬਕਾ ਪ੍ਰਧਾਨ ਗੁਰੂ ਘਰ ਨੇ ਕਿਹਾ ਕਿ ਸਾਬਕਾ ਚੇਅਰਮੈਨ ਰਣਦੀਪ ਸਿੰਘ ਲਿਵਾਂ ਨੇ ਪਿੰਡ ਢਿਲਵਾਂ ਦਾ ਨਾਂਅ ਹਰੇਕ ਪੱਖ ਤੋ ਕਾਫੀ ਉਚਾ ਕੀਤਾ ਹੈ ਕਿਉਕਿ ਜਿੱਥੇ ਇਨਾਂ ਛੋਟੀ ਉਮਰੇ ਪਿੰਡ ਦਾ ਸਰਪੰਚ ਬਣ ਕੇ ਪਿੰਡ ਅੰਦਰ ਵਿਕਾਸ ਕਾਰਜ ਕਰਵਾਏ, ਉਥੇ ਪਿਛਲੇ ਸਮੇਂ ਪੰਚਾਇਤ ਸੰਮਤੀ ਸ਼ਹਿਣਾ ਦਾ ਚੇਅਰਮੈਨ ਬਣ ਕੇ ਇਕਲੇ ਪਿੰਡ ਦੇ ਹੀ ਨਹੀ ਬਲਕਿ ਸਮੁੱਚੇ ਬਲਾਕ ਅੰਦਰ ਵਿਕਾਸ ਅਤੇ ਤਰੱਕੀ ਪੱਖੋ ਸ਼ਹਿਣਾ ਬਲਾਕ ਨੂੰ ਪਹਿਲੇ ਨੰਬਰ ’ਤੇ ਲਿਆਂਦਾ। ਉਨਾਂ ਸ੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ, ਸਾਬਕਾ ਕੇਂਦਰੀ ਵਜੀਰ ਹਰਸਿਮਰਤ ਕੌਰ ਬਾਦਲ, ਕੈਬਨਿਟ ਮੰਤਰੀ ਬਿਕਰਮ ਸਿੰਘ ਮਜੀਠੀਆ, ਯੂਥ ਅਕਾਲੀ ਦਲ ਦੇ ਪ੍ਰਧਾਨ ਪਰਮਬੰਸ ਸਿੰਘ ਬੰਟੀ ਰੋਮਾਣਾ, ਦਰਬਾਰਾ ਸਿੰਘ ਗੁਰੂ ਸਾਬਕਾ ਪਿ੍ਰੰਸੀਪਲ ਸਕੱਤਰ, ਸੰਤ ਬਲਵੀਰ ਸਿੰਘ ਘੁੰਨਸ ਸਾਬਕਾ ਮੁੱਖ ਸੰਸਦੀ ਸਕੱਤਰ, ਜੱਥੇਦਾਰ ਬਲਦੇਵ ਸਿੰਘ ਚੂੰਘਾਂ ਅਤਿ੍ਰੰਗ ਮੈਂਬਰ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਬੀਬੀ ਰਾਜਿੰਦਰ ਕੌਰ ਮੀਮਸਾ ਮਹਿਲਾ ਵਿੰਗ ਆਗੂ, ਜੈਲਦਾਰ ਬੀਰਇੰਦਰ ਸਿੰਘ ਸਾਬਕਾ ਪ੍ਰਧਾਨ ਟਰੱਕ ਯੂਨੀਅਨ, ਕੁਲਵੰਤ ਸਿੰਘ ਕੰਤਾਂ ਸਾਬਕਾ ਪ੍ਰਧਾਨ ਦਿਹਾਤੀ ਸਣੇ ਪਾਰਟੀ ਦੇ ਦਰਜਾ ਬ ਦਰਜਾ ਆਗੂਆਂ ਦਾ ਧੰਨਵਾਦ ਕੀਤਾ। ਜਿਨਾਂ ਨੇ ਰਣਦੀਪ ਸਿੰਘ ਢਿਲਵਾਂ ਨੂੰ ਯੂਥ ਅਕਾਲੀ ਦਲ ਦਾ ਸੂਬਾ ਮੀਤ ਪ੍ਰਧਾਨ ਨਾਮਜਦ ਕੀਤਾ ਹੈ। ਉਧਰ ਨਵ ਨਿਯੁਕਤ ਸੂਬਾ ਮੀਤ ਪ੍ਰਧਾਨ ਰਣਦੀਪ ਸਿੰਘ ਢਿਲੋ ਨੇ ਪਾਰਟੀ ਅਤੇ ਵਿੰਗ ਵੱਲੋ ਦਿੱਤੇ ਜੁੰਮੇਵਾਰੀ ਨੂੰ ਤਨਦੇਹੀ ਨਾਲ ਨਿਭਾਉਣ ਦਾ ਵਾਅਦਾ ਕਰਨ ਦੇ ਨਾਲ ਪਿੰਡ ਦੇ ਲੋਕਾਂ ਦੇ ਹਮੇਸ਼ਾਂ ਰਿਣੀ ਰਹਿਣ ਦੀ ਗੱਲ ਕਹੀ, ਜਿਨਾਂ ਨੇ ਉਨਾਂ ਨੂੰ ਸਰਪੰਚ ਦੀ ਚੋਣ ਤੋ ਲੈ ਕੇ ਹੁਣ ਤੱਕ ਲਗਾਤਾਰ ਪਿਆਰ ਅਤੇ ਸਤਿਕਾਰ ਦਿੱਤਾ। ਉਧਰ ਗੁਰੂ ਘਰ ਦੇ ਮੈਨੇਜਰ ਸੁਖਵਿੰਦਰ ਸਿੰਘ ਨੇ ਕਿਹਾ ਕਿ ਰਣਦੀਪ ਸਿੰਘ ਢਿਲੋ ਨੇ ਹਮੇਸ਼ਾਂ ਹੀ ਗੁਰੂ ਘਰ ਵਿਖੇ ਬਣਦੀਆ ਸੇਵਾਵਾਂ ਨਿਭਾ ਕੇ ਇਥੋ ਹਰ ਖੁਸ਼ੀਆ ਪ੍ਰਾਪਤ ਕੀਤੀਆ ਹਨ। ਇਸ ਮੋਕੇ ਸਾਬਕਾ ਪ੍ਰਧਾਨ ਗੁਰਜੰਟ ਸਿੰਘ, ਲਖਵਿੰਦਰ ਸਿੰਘ, ਪੰਚ ਗੁਰਜੰਟ ਸਿੰਘ, ਸੁਖਵਿੰਦਰ ਸਿੰਘ, ਸੰਤ ਰਾਮ ਸਿੰਘ, ਤਰਸੇਮ ਸਿੰਘ, ਬੰਤ ਸਿੰਘ, ਮੇਵਾ ਸਿੰਘ ਆਦਿ ਵੀ ਹਾਜਰ ਸਨ