ਕਾਂਗਰਸ ਨੂੰ ਸਿਆਸੀ ਝਟਕਾ, ਸਿਟੀ ਕਾਂਗਰਸ ਪ੍ਰਧਾਨ ਸਣੇ ਟਕਸਾਲੀਆਂ ਨੇ ਅਕਾਲੀ ਦਲ ਵਿਚ ਰਲੇਵਾਂ ਕੀਤਾ
7 ਡੇਅ ਨਿਊਜ ਸਰਵਿਸ
ਬਰਨਾਲਾ/ ਤਪਾ ਮੰਡੀ 29 ਜੂਨ : ਵਿਧਾਨ ਸਭਾ ਹਲਕਾ ਭਦੌੜ ਅੰਦਰ ਸ੍ਰੋਮਣੀ ਅਕਾਲੀ ਦਲ ਨੇ ਕਾਂਗਰਸ ਪਾਰਟੀ ਨੂੰ ਉਸ ਵੇਲੇ ਵੱਡਾ ਸਿਆਸੀ ਝਟਕਾ ਦਿੱਤਾ ਜਦ ਪਾਰਟੀ ਦੇ ਸਿਟੀ ਪ੍ਰਧਾਨ ਅਤੇ ਟਕਸਾਲੀ ਕਾਂਗਰਸੀ ਪਾਰਟੀ ਨੂੰ ਅਲਵਿਦਾ ਆਖ ਕੇ ਨਗਰ ਕੌਸਲ ਦੇ ਸਾਬਕਾ ਪ੍ਰਧਾਨ ਤਰਲੋਚਣ ਬਾਂਸਲ ਦੀ ਪ੍ਰੇਰਣਾ ਸਦਕਾ ਹਲਕੇ ਦੇ ਅਕਾਲੀ ਇੰਚਾਰਜ ਐਡਵੋਕੇਟ ਸਤਨਾਮ ਸਿੰਘ ਰਾਹੀ ਦੀ ਅਗਵਾਈ ਵਿਚ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਰਾਹੀ ਅਕਾਲੀ ਦਲ ਵਿਚ ਸਿਆਸੀ ਤੌਰ ’ਤੇ ਰਲੇਵਾਂ ਕਰ ਗਏ। ਜਿਨਾਂ ਨੂੰ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਜਿਲੇਂ ਦੀ ਲੀਡਰਸ਼ਿਪ ਦਿਹਾਤੀ ਪ੍ਰਧਾਨ ਬਾਬਾ ਟੇਕ ਸਿੰਘ ਧਨੌਲਾ ਅਤੇ ਹਲਕਾ ਇੰਚਾਰਜ ਐਡਵੋਕੇਟ ਰਾਹੀ ਨਾਲ ਮਿਲ ਕੇ ਸਿਰਪਾਓ ਦੇ ਕੇ ਸਨਮਾਨਿਤ ਕੀਤਾ। ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਜਿੱਥੇ ਇਸ ਨੂੰ ਹਲਕਾ ਭਦੌੜ ਲਈ ਸ਼ੁਭ ਸਿਆਸੀ ਸੰਕੇਤ ਦੱਸਿਆ, ਉਥੇ ਭਵਿੱਖ ਵਿਚ 2022 ਦੀਆ ਚੋਣਾਂ ਵਿਚ ਹਲਕਾ ਭਦੌੜ ਵੱਲੋ ਅਕਾਲੀ ਦਲ ਦੀ ਸਰਕਾਰ ਬਣਾਉਣ ਵਿਚ ਪਾਏ ਜਾਣ ਵਾਲੇ ਰੋਲ ਲਈ ਸਾਰਥਿਕ ਹੁੰਗਾਰਾਂ ਕਰਾਰ ਦਿੱਤਾ। ਉਧਰ ਐਡਵੋਕੇਟ ਰਾਹੀ ਹਲਕਾ ਇੰਚਾਰਜ ਨੇ ਕਿਹਾ ਕਿ ਲੋਕ ਕਾਂਗਰਸ ਪਾਰਟੀ ਦੀਆ ਨੀਤੀਆ ਤੋ ਪੂਰੀ ਤਰਾਂ ਅੱਕ ਚੁੱਕੇ ਹਨ ਅਤੇ ਜਾਗਦੀਆ ਜਮੀਰਾਂ ਵਾਲੇ ਲੋਕ ਪੰਜਾਬ ਦੀ ਮਾਂ ਪਾਰਟੀ ਅਕਾਲੀ ਦਲ ਵਿਚ ਰਲੇਵਾਂ ਕਰਕੇ ਪੰਜਾਬ ਦੇ ਉਜਵਲ ਭਵਿੱਖ ਵਿਚ ਅਪਣਾ ਬਣਦਾ ਯੋਗਦਾਨ ਪਾ ਰਹੇ ਹਨ। ਕਾਂਗਰਸ ਪਾਰਟੀ ਅੰਦਰੋ ਅਕਾਲੀ ਦਲ ਵਿਚ ਰਲੇਵਾਂ ਕਰਨ ਵਾਲੇ ਸਿਟੀ ਕਾਂਗਰਸ ਪ੍ਰਧਾਨ ਰਾਹੁਲ ਅਰੋੜਾ ਭਾਗਾਂ ਵਾਲੇ ਅਤੇ ਗੁਰਦੀਪ ਸਿੰਘ ਚੱਠਾ ਜਨਰਲ ਸਕੱਤਰ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਅੰਦਰ ਪਾਰਟੀ ਨੂੰ ਸਮਰਪਿਤ ਕਿਸੇ ਵੀ ਆਗੂ ਵਰਕਰ ਦੀ ਕੋਈ ਪੁੱਛ ਪੜਤਾਲ ਨਹੀ ਜਦਕਿ ਹਲਕੇ ਭਦੌੜ ਦੇ ਵਿਕਾਸ ਅਤੇ ਉਨਤੀ ਵੱਲ ਸਰਕਾਰ ਨੇ ਰੱਤੀ ਭਰ ਵੀ ਧਿਆਨ ਨਹੀ ਦਿੱਤਾ ਅਤੇ ਪਿਛਲੇ ਲੰਬੇਂ ਸਮੇਂ ਤੋ ਹਲਕਾ ਭਦੌੜ ਇੰਚਾਰਜ ਵਜੋ ਵਿਹੂਣਾ ਪਿਆ ਸੀ। ਜਿਸ ਕਾਰਨ ਲੋਕ ਅਪਣੇ ਕੰਮਾਂ, ਮੰਗਾਂ ਅਤੇ ਮੁਸ਼ਕਿਲਾਵਾਂ ਲਈ ਦਰ ਦਰ ਠੋਕਰਾਂ ਖਾ ਰਹੇ ਸਨ ਤਦ ਉਸ ਵੇਲੇ ਅਕਾਲੀ ਦਲ ਦੇ ਇੰਚਾਰਜ ਐਡਵੋਕੇਟ ਰਾਹੀ ਨੇ ਲੋਕਾਂ ਦੇ ਸਾਂਝੇਂ ਅਤੇ ਨਿੱਜੀ ਕੰਮਾਂ ਨੂੰ ਕਰਵਾਇਆ, ਜਿਨਾਂ ਤੋ ਪ੍ਰਭਾਵਿਤ ਹੋ ਕੇ ਹੀ ਉਨਾਂ ਸਣੇ ਸਾਥੀਆਂ ਪ੍ਰੀਤਮ ਸਿੰਘ ਸਣੇ ਅਕਾਲੀ ਦਲ ਵਿਚ ਸ਼ਾਮਿਲ ਹੋਣ ਨੂੰ ਪਹਿਲ ਦਿੱਤੀ। ਇਸ ਮੌਕੇ ਭਗਵੰਤ ਸਿੰਘ ਚੱਠਾ ਵੀ ਹਾਜਰ ਸੀ।