ਮੇਰੇ ਸ਼ਹਿਰ ’ਤੇ ਕੋਰੋਨਾ ਦਾ ਕਹਿਰ-ਮਾਂ ਤੋ ਇਕ ਦਿਨ ਬਾਅਦ ਪੁੱਤ ਵੀ ਚਲ ਵਸਿਆ, ਏਰੀਏ ਦੇ ਸੀਲ ਹੋਣ ਦੀ ਸੰਭਾਵਨਾ ਬਣੀ,

ਮੇਰੇ ਸ਼ਹਿਰ ’ਤੇ ਕੋਰੋਨਾ ਦਾ ਕਹਿਰ-ਮਾਂ ਤੋ ਇਕ ਦਿਨ ਬਾਅਦ ਪੁੱਤ ਵੀ ਚਲ ਵਸਿਆ, ਏਰੀਏ ਦੇ ਸੀਲ ਹੋਣ ਦੀ ਸੰਭਾਵਨਾ ਬਣੀ,
7ਡੇਅ ਨਿਊਜ ਸਰਵਿਸ
ਜਿਲਾ ਬਰਨਾਲਾ ਦੇ ਸ਼ਹਿਰ ਤਪਾ ਅੰਦਰ ਕੋਰੋਨਾ ਦਾ ਕਹਿਰ ਜੋਰਦਾਰ ਢੰਗ ਨਾਲ ਲੋਕਾਂ ਨੂੰ ਆਪਣੀ ਪਕੜ ਵਿਚ ਲੈ ਰਿਹਾ ਹੈ। ਜਿਸ ਦੇ ਤਹਿਤ ਹੀ ਸ਼ਹਿਰ ਅੰਦਰ ਪਿਛਲੇ ਤਿੰਨ ਦਿਨ ਵਿਚ ਚਾਰ ਵਿਆਕਤੀਆਂ ਨੂੰ ਕੋਰੋਨਾ ਨੇ ਆਪਣੀ ਪਕੜ ਵਿਚ ਲੈ ਕੇ ਮੋਤ ਦੇ ਕਲਾਵੇ ਵਿਚ ਪੁਹੰਚਾ ਦਿੱਤਾ ਹੈ। ਇਸੇ ਤਹਿਤ ਹੀ ਸ਼ਹਿਰ ਅੰਦਰ ਇਕ ਪਰਿਵਾਰ ’ਤੇ ਕਹਿਰ ਬਣ ਡਿੱਗਿਆ ਹੈ। ਸ਼ਹਿਰ ਦੀ ਗਲੀ ਨੰਬਰ 2 ਵਿਚਲੇ ਇਕ ਸੇਵਾਮੁਕਤ ਅਧਿਆਪਕਾ ਦੀ ਬੀਤੀ ਕੱਲ ਕੋਰੋਨਾ ਨਾਲ ਮੋਤ ਹੋ ਗਈ ਸੀ। ਜਿਸ ਦਾ ਸਸਕਾਰ ਪਰਿਵਾਰ ਵੱਲੋ ਸ਼ਮਸ਼ਾਨਘਾਟ ਵਿਚ ਕੀਤਾ ਗਿਆ ਸੀ, ਭਾਵੇਂ ਪਰਿਵਾਰ ਨੇ ਅਜੇ ਆਪਣੀ ਮਾਂ ਦਾ ਅੰਗੀਠੇ ਦੀ ਸੰਭਾਲ ਨਹੀ ਕੀਤੀ ਗਈ ਸੀ ਭਾਵ ਉਸ ਦੇ ਫੁੱਲ ਨਹੀ ਚੁੱਗੇ ਨਹੀ ਸਨ ਕਿ ਉਸ ਦੇ ਨੋਜਵਾਨ ਪੁੱਤ ਦੀ ਮੋਤ ਵੀ ਮਾਂ ਤੋ 24 ਘੰਟਿਆਂ ਬਾਅਦ ਹੀ ਕੋਰੋਨਾ ਦੀ ਬਿਮਾਰੀ ਨਾਲ ਹੋ ਗਿਆ। ਜਿਸ ਦੀ ਖਬਰ ਆਉਦਿਆਂ ਹੀ ਸ਼ਹਿਰ ਅੰਦਰ ਸਹਿਮ ਦਾ ਮਾਹੋਲ ਬਣਿਆ ਹੋਇਆ ਹੈ। ਉਧਰ ਇਹ ਵੀ ਪਤਾ ਲੱਗਿਆ ਹੈ ਕਿ ਉਕਤ ਮਿ੍ਰਤਕਾ ਸੇਵਾਮੁਕਤ ਅਧਿਆਪਕਾ ਦਾ ਸੇਵਾਮੁਕਤ ਅਧਿਕਾਰੀ ਪਤੀ ਵੀ ਘਰ ਅੰਦਰ ਹੀ ਬਿਮਾਰ ਹਾਲਤ ਵਿਚ ਪਿਆ ਹੈ। ਜਿਸ ਨੂੰ ਸ਼ੂਗਰ ਤੋ ਇਲਾਵਾ ਪੈਰਾਂ ਉਪਰਲੇ ਜਖਮਾਂ ਕਾਰਨ ਕਾਫੀ ਗੰਭੀਰ ਬਿਮਾਰੀ ਨਾਲ ਪੀੜਿਤ ਹੈ ਜਦਕਿ ਉਸ ਦਾ ਇਕ ਹੋਰ ਪੁੱਤ ਵੀ ਘਰ ਵਿਚ ਮੋਜੂਦ ਹੈ। ਘਟਨਾ ਵਾਪਰਨ ਤੋ ਬਾਅਦ ਪੁਲਿਸ ਪ੍ਰਸਾਸਨ ਕਾਫੀ ਹਰਕਤ ਵਿਚ ਵਿਖਾਈ ਦੇ ਰਿਹਾ ਹੈ।
ਗਲੀ ਨੰਬਰ 2 ਦੇ ਲੋਕਾਂ ਦੀ ਸਥਿਤੀ ਦੁਚਿਤੀ ’ਚ : ਉਧਰ ਗਲੀ ਨੰਬਰ 2 ਵਿਚ ਉਕਤ ਘਟਨਾ ਵਾਪਰ ਜਾਣ ਤੋ ਬਾਅਦ ਲੋਕਾਂ: ਵਿਚ ਭਾਰੀ ਸਹਿਮ ਪਾਇਆ ਜਾ ਰਿਹਾ ਹੈ ਕਿਉਕਿ ਅਤਿਅੰਤ ਤੰਗ ਏਰੀਏ ਵਿਚ ਉਕਤ ਪੀੜਿਤ ਪਰਿਵਾਰ ਰਹਿੰਦਾ ਹੈ। ਜਿਸ ਦੇ ਪਰਿਵਾਰ ਵਿਚੋ ਦੋ ਜੀਅ ਦੀ ਕੋਰੋਨਾ ਨਾਲ ਮੋਤ ਹੋ ਚੁੱਕੀ ਹੈ ਜਦਕਿ ਇਕ ਮੁੱਖੀ ਘਰ ਵਿਚ ਬਿਮਾਰ ਹਾਲਤ ਵਿਚ ਪਿਆ ਹੈ। ਗਲੀ ਦੇ ਇਕ ਵਸਨੀਕ ਦਾ ਕਹਿਣਾ ਹੈ ਕਿ ਉਕਤ ਪਰਿਵਾਰ ਦੇ ਬਚੇ ਪੁੱਤਰ ਨੇ ਗਲੀ ਵਾਸੀਆਂ ਕੋਲ ਅਰਜ ਕੀਤੀ ਹੈ ਕਿ ਉਸ ਦੇ ਪਿਤਾ ਨੂੰ ਇਲਾਜ ਲਈ ਭਰਤੀ ਕਰਵਾ ਦਿੱਤਾ ਜਾਵੇ ਅਤੇ ਉਸ ਦੇ ਲੋੜੀਦੇ ਸ਼ਰੀਰਕ ਸੈਂਪਲ ਲੈ ਲਏ ਜਾਣ, ਉਸ ਨੂੰ ਕੋਈ ਇਤਰਾਜ ਨਹੀ ਹੋਵੇਗਾ। ਉਧਰ ਗਲੀ ਵਾਸੀਆਂ ਵਿਚੋ ਜਿਆਦਾਤਰ ਦੇ ਆਪਣਾ ਮਕਾਨ ਛੱਡ ਕੇ ਕਿਤੇ ਹੋਰ ਜਗਾਂ ’ਤੇ ਜਾਣ ਦਾ ਪਲਾਇਨ ਕੀਤੇ ਜਾਣ ਦੀਆ ਚਰਚਾਵਾਂ ਵੀ ਹਨ। ਜਿਕਰਯੋਗ ਹੈ ਕਿ ਸ਼ਹਿਰ ਅੰਦਰੋ ਇਕ ਈ.ਜੀ.ਐਸ ਵਲੰਟੀਅਰ ਅਤੇ ਇਕ ਆੜਤੀਏ ਦੀ ਬੀਤੇ ਦੋ ਦਿਨ ਵਿਚ ਕੋਰੋਨਾ ਕਾਰਨ ਹੀ ਮੋਤ ਹੋ ਚੁੱਕੀ ਹੈ।
ਕੀ ਕਹਿਣਾ ਹੈ ਪੁਲਿਸ ਦਾ : ਮਾਮਲੇ ਸਬੰਧੀ ਉਪ ਕਪਤਾਨ ਪੁਲਿਸ ਬਲਜੀਤ ਸਿੰਘ ਬਰਾੜ ਦਾ ਕਹਿਣਾ ਹੈ ਕਿ ਉਕਤ ਘਟਨਾ ਸਬੰਧੀ ਉਨਾਂ ਦੇ ਧਿਆਨ ਵਿਚ ਮਾਮਲਾ ਆਇਆ ਹੈ ਅਤੇ ਉਨਾਂ ਨੇ ਘਟਨਾ ਸਥਾਨ ਦਾ ਦੋਰਾ ਕਰਕੇ ਮਾਮਲੇ ਸਬੰਧੀ ਸਿਹਤ ਵਿਭਾਗ ਨੂੰ ਦੱਸ ਦਿੱਤਾ ਹੈ, ਜੇਕਰ ਸਿਹਤ ਵਿਭਾਗ ਜਰੂਰਤ ਸਮਝੇਗਾ ਤਦ ਪੁਲਿਸ ਪ੍ਰਸਾਸਨ ਉਨਾਂ ਨੂੰ ਹਰ ਸੁਰੱਖਿਆ ਮੁਹੱਈਆ ਕਰਵਾਵੇਗਾ ਜਦਕਿ ਏਰੀਏ ਨੂੰ ਸੀਲ ਕਰਨ ਬਾਰੇ ਵੀ ਵਿਚਾਰ ਚਰਚਾ ਕੀਤੀ ਜਾ ਰਹੀ ਹੈ।
ਕੀ ਕਹਿਣਾ ਹੈ ਸਿਹਤ ਵਿਭਾਗ : ਸਿਹਤ ਵਿਭਾਗ ਦੇ ਬਲਾਕ ਐਜੂਕੇਟਰ ਗੋਤਮ ਰਿਸ਼ੀ ਨੇ ਦੱਸਿਆਂ ਕਿ ਘਟਨਾ ਦੀ ਜਾਣਕਾਰੀ ਮਿਲਣ ’ਤੇ ਸਿਹਤ ਵਿਭਾਗ ਦੀ ਸੈਪਿਗ ਟੀਮ ਉਥੇ ਪੁੱਜ ਚੁੱਕੀ ਹੈ, ਜੋ ਪਰਿਵਾਰ ਦੇ ਬਾਕੀ ਰਹਿੰਦੇ ਦੋਵੇ ਜੀਅ ਦੀ ਸੈਪਿਗ ਕਰੇਗੀ, ਜੇਕਰ ਲੋੜ ਪਈ ਤਦ ਉਨਾਂ ਨੂੰ ਇਲਾਜ ਲਈ ਭਰਤੀ ਵੀ ਕਰਵਾਇਆ ਜਾਵੇਗਾ।